Ioane 13:17 - Tokelauan New Testament

¹⁷ Nei la kua koutou iloa te moni o nā mea iēnei, amutia koutou kāfai e fakatakitaki koutou ki ei!

Ioane 13:17 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Loma 2:13

Auā e hē ko nā tino e lagona i o lātou taliga te Tūlāfono te fakaleleia e te Atua to lātou va ma ia, kae ko nā tino e uhitaki ki nā mea e fakatonu mai e te Tūlāfono.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

Iakopo 4:17

Ko te mea ia, kāfai kua iloa e ki tātou te mea e tatau ke fai kae hē ki tātou faia, ko ki tātou la kua agahala.

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.