Ioane 13:14 - Tokelauan New Testament

¹⁴ Kāfai la ia au, te Aliki ma te Faiakoga o koutou, na fulufulu e au outou vae, e tatau foki la koutou ke fulufulu e tētahi ia vae o tētahi.

Ioane 13:14 ပူးပေါင်းရင်းမြစ်များ

Ioane 11:2

(Ko Malia tēnei na ia liligia nā lolo manogi ki nā vae o te Aliki ma holo ai i tona laulu, he tuagane e o ia ia Lahalo, tēia e tauale.)

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Loma 12:10

Ke alofa tētahi ki tētahi e vē ni uho, ma tauva ke hili atu te fakaaloalo o tētahi i lo tētahi.

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

1 Kolinito 12:3

Ko te mea ia, ko au e fofou ke koutou iloa e hēai he tino e takitakia e te Agaga o te Atua e mafai ke “fetū e ia ia Iehu!” ma e hēai he tino e ia mafai oi folafola “Ko Iehu ko te Aliki,” pe kāfai e hē takitakiagia e te Agaga Paia.

1 Kolinito 8:13

Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

1 Petelu 4:1

Ona ko Keliho na maua i nā puapuagā o te tino, e tatau foki la koutou ke fakamākeke ma taumafai ke vē foki koutou ko ia; auā ko ai lava e puapuagā i te tino, e hē toe faia e ia te agahala.

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”