Ioane 13:10 - Tokelauan New Testament

¹⁰ Kua lea atu ia Iehu, “Ko te tino kua uma te tākele e mamā kātoa, ma e hē tatau ke toe tākele, vaganā ai lava ona vae. Ko koutou e mamā, kae e hē ko koutou uma.”

Ioane 13:10 ပူးပေါင်းရင်းမြစ်များ

Mataio 6:12

Fakamāgalo o mātou hehē, e vē oi fakamāgalo e ki mātou ia hehē o iētahi tino ki a te ki mātou.

Ioane 13:18

“Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’

Ioane 13:9

Kua tali mai ia Himona Petelu, “Te Aliki, nahe fulufulua la nā ko oku vae. Fulufulu foki ma oku lima ma toku ulu!”

Ioane 15:3

Ko koutou kua uma te fakamamā i nā akoakoga kua tuku atu e au ki a te koutou.

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

Epelu 9:10

ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.

Iakopo 3:2

Ko ki tātou uma e tofu ma te hehē. Kae kāfai he tino e hēai lele hona hehē i nā kupu e tautala ai, ko te tino tēnā e kātoatoa te lelei ma e ia mafaia foki oi pūlea tona tino kātoa.