Ioane 12:48 - Tokelauan New Testament

⁴⁸ Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 12:48 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Maleko 12:10

E hēki faitau nei koutou ki te tuhituhiga paia e lea mai: ‘Ko te fatu na tīaki e nā faufale e hē aogā, kua kavea ma fatu e pito hili atu ona tāua.

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Maleko 8:31

Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Luka 17:25

Kae e tatau ke maua muamua ia i puapuagā e lahi, ma teteke ki ei ia tagata o te tupulaga tēnei.

Luka 20:17

Kua kikila atu ia Iehu ki a te ki lātou oi fehili vē atu ai ki ei, “He ā la te uiga o te tuhituhiga paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua.’

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Luka 9:22

Kua toe vāgana atu ia Iehu ki a te ki lātou, “Ko te Ataliki o te Tagata e tatau ke maua i nā puapuagā e lahi ma teteke ki ei ia toeaina, nā ohitāulaga hili, ma nā faiakoga o te Tūlāfono. Ka tuku atu ia ke tāmate, kae i tona tolu o aho, ka toe fakatū mai ai mai te oti.”

Luka 9:26

Auā ko ai lava e mā ona ko au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i tona mamalu ma i te mamalu o tona Tamana ma o te kau agelu paia.

Ioane 11:24

Kua tali atu ia Mafa “E iloa e au ka toe fakatū ki te ola, i te aho mulimuli”

Ioane 5:45

Koutou foki nā vēakē, ko au te mōliagia koutou ki toku Tamana. Ko Mohe, tēia kua tuku kātoatoa ki ei te koutou fakamoemoe, ko ia lava te ka ia mōliagia koutou.

Ioane 6:39

Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Ioane 8:47

Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Gāluega 3:23

Ho he tino e hē fakalogo ki te mea e lea atu ai te pelofeta tēnā, ka fakateka kehegia ia mai tagata o te Atua, ma fakaumatia.’

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

2 Kolinito 4:3

Auā kāfai te tala lelei e ki mātou tālakia e mumuni, e mumuni oioti mai nā tino e tuku e fakaumatia.

2 Tehalonia 1:8

ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu.

Epelu 10:25

Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.