Ioane 12:28 - Tokelauan New Testament

²⁸ Te Tamana, fakaali ko tō mamalu ke kitea e tagata!” Oi tautala ifo ai he leo mai te lagi kua vē ifo, “Kua uma te kō fakaaliagia o toku mamalu, ma e toe kō fakaalia foki.”

Ioane 12:28 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:26

Io, te Tamana, ko te mea lava tēnei na fofou koe ke fai.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Maleko 1:11

ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Maleko 14:36

Kua vē tana tatalo “Te Tamana, toku Tamana! E hēai he mea fokotahi e hē kē mafaia. Kave kehe ko te ipu tēnei o puapuagā ia te au. Kae nahe faia toku loto, kae fai tō finagalo.”

Maleko 9:7

Oi hula mai ai he ao ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei — fakalogo ki ei!”

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Luka 9:35

Oi fanaifo ai he leo mai te ao, kua vē ifo, “Ko toku Ataliki tēnei, kua kō filifilia — fakalogo ki ei!”

Ioane 11:4

Kae i te lagonaga e Iehu o te mea tēnei, oi lea vē ai, “Ko te ikuga mulimuli o te tauale o Lahalo e hē ko te oti; ko te mea tēnei kua tupu ke fakaalia ai te mana o te Atua, ma ke vīkia ai te Ataliki o te Atua.”

Ioane 18:11

Kua lea atu ia Iehu ki a Petelu, “Tuku tau pelu ki tona huluga! Ko tō manatu ko au ka hē inu ki te ipu o nā puapuagā kua tuku mai e toku Tamana ki a te au?”

Ioane 9:3

Kua tali mai ia Iehu, “E hē ona ni agahala e ā ia pe ā ona mātua. E tāuaho kae ke mafai ai ia gāluega mamana a te Atua ke fakaalia, e ala ia te ia.

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Efeho 3:21

ke i te Atua nā vīkiga a ala i nā Ekalehia ma Keliho Iehu, i nā aho uma lele, ke pa ki fakavavau fakavavau lava! Amene.

2 Petelu 1:17

Nae i ei ki mātou i te tuku atuga ki a te ia e te Atua te Tamana, te mamalu ma te vīkiga, i te fanaifoga o te leo ki a te ia mai te Mamalu Hilihilikehe e vē ifo, “Ko toku Ataliki fakapelepele tēnei, e fiafia lahi au ki ei!”