Ioane 12:27 - Tokelauan New Testament

²⁷ “Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Ioane 12:27 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:26

Io, te Tamana, ko te mea lava tēnei na fofou koe ke fai.

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 26:45

Oi toe liliu ai ia Iehu ki ona hoko ma lea vē atu ki ei, “Ko koutou koi momoe lava ma mālōlō? Kikila, kua pa mai te itūlā e tukulima atu ai te Ataliki o te Tagata ki te pule a tagata agahala.

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 11:41

Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

Ioane 13:21

Kua uma te lea atu vēnei o Iehu, oi lagona ai e ia te loto fakanoanoa lahi, ma fai ai tana takutinoga e vēnei, “E takutino atu e au ki a te koutou te meamoni: e i ei te tino o koutou ka ia fakalatagia au.”

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

1 Timoteo 1:15

Ko he fakakupuga tēnei e hako, ma e tatau ke talia kātoatoa ma talitonu ki ei: Ko Keliho Iehu na haele mai ki te lalolagi ke fakaola nā tino agahala. Ma ko au te tino agahala e hili atu te kino,

Epelu 2:14

Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.