Ioane 12:26 - Tokelauan New Testament

²⁶ Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 12:26 ပူးပေါင်းရင်းမြစ်များ

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Maleko 8:34

Oi kalaga atu loa ia Iehu ki tagata ma ona hoko ke ōake ki a te ia, oi vāgana atu ai ki ei, “Kāfai he tino e fia mulimuli mai ki a au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Luka 6:46

“He ā te lea mai ai koutou ki a te au, ‘Te Aliki, Te Aliki,’ kae e hē koutou faia nā mea e lea atu ai au?

Luka 9:23

Oi vāgana atu ai ia Iehu ki a te ki lātou uma, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo i aho uma, ma mulimuli mai ki a te au.

Ioane 10:27

E lagona e aku māmoe toku leo, ma e iloa e au ki lātou, ma e mulimuli mai ki a te au.

Ioane 13:16

E lea atu au ki a te koutou i te meamoni: e hē hili atu nā pologa i lo to lātou matai, ma e hē hili atu nā kavefekau i lo te tino na ia uga atua ki lātou.

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 14:3

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Filipi 1:23

E fetoho lava i toku māfaufau nā mea iēnei e lua. Ko au e fofou keina tukua e au te ola tēnei ke fakatahi ma Keliho, auā e hili atu tēnā;

Kolohe 3:24

Ke manatua e koutou, ka fōki atu e te Aliki ke fai ma outou taui, te mea kua ia teuagia mo tana fānau. Auā ko Keliho, ko te Matai ia e kaukauna koutou ki ei.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

2 Petelu 1:1

Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

1 Ioane 5:3

Auā ko te alofa o ki tātou ki te Atua e kitea i to tātou uhitaki ki nā fakatonuga kua tuku mai ki a te ki tātou. Ma ko ana fakatonuga e hē faigatā mo ki tātou,

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.