Ioane 12:20 - Tokelauan New Testament

²⁰ E i ei ni tino Eleni nae i te vāega na olo ki Ieluhalema ke tāpuaki ai i te taimi o te Kaiga Fakamanatu o te Pāheka.

Ioane 12:20 ပူးပေါင်းရင်းမြစ်များ

Maleko 7:26

Ko te fafine ko he Eleni, na fānau i Foinike i Hulia. Kua fakatagi ki a Iehu ke tuli kehe te tēmoni e ulufia ai tana tama teine.

Ioane 12:1

Kua toe ono ia aho oi pa ki te Pāheka, oi fano ai ia Iehu ki Petania, ki te fale o Lahalo, te tamāloa na fakatū e ia mai te oti.

Ioane 12:19

Oi fakataufai ai te kau Falehaio ma lea vē tētahi ki tētahi, “E kē iloa, kua hē aogā lele a tātou taumafaiga! Kikila atu, ko te lalolagi kātoa e mulimuli ki a te ia!”

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 17:4

Ko iētahi tino o ki lātou na talitonu ma na kau fakatahi ai ma Paulo ma Hila; na vēnā foki te tokalahi o nā fafine takutakua i te kakai ma nā tino Eleni, kua talitonu ma tāpuaki ki te Atua.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 8:27

Oi na hāuni ai loa ia Filipo ma kua fano. I te taimi tēnā, nae i luga foki o te auala he eunuka Aitiope, kua toe foki ki tona kāiga. Ko te tino tēnei ko he ofiha tāua, e pule i nā koloa a te tupu fafine o Aitiope, ma na fano ki Ieluhalema ke tāpuaki ki te Atua, ma kua toe foki i tana tāvale holofanua. E fano la tana tāvale holofanua, kae faitau e ia te tuhituhiga a te pelofeta ko Ihaia.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Loma 10:12

Ko te mea tēnei e aofia ai ia tagata uma, auā e hēai he mea e kehekehe ai ia tagata Iutaia ma tagata nukukehe; ko te Atua ko te Aliki ia e tahi o tagata uma, ma e ia kavatua nā fakamanuiaga e lahi mo ki lātou uma e kālalaga atu ki a te ia.

Kalatia 2:3

Ko toku hoa ki a Tito, e ui ko he tino Eleni kae e hēki fakamālohiagia ke pelitome,

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.