Ioane 12:19 - Tokelauan New Testament

¹⁹ Oi fakataufai ai te kau Falehaio ma lea vē tētahi ki tētahi, “E kē iloa, kua hē aogā lele a tātou taumafaiga! Kikila atu, ko te lalolagi kātoa e mulimuli ki a te ia!”

Ioane 12:19 ပူးပေါင်းရင်းမြစ်များ

Mataio 21:15

Kae i te kiteaga e te kau ohitāulaga hili ma nā faiakoga o te Tūlāfono, nā mea ofoofogia a Iehu kua fai, ma tamaiti e taukalalaga i loto o te Mālumalu, “Ke vīkia te Ataliki o Tavita,” oi lagona ai e ki lātou te ita.

Ioane 12:18

Ko te mea ia na olo ai ia tagata oi fakafetaui ia Iehu — ona kua ki lātou lagona na ia faia te fakailoga tēnei.

Ioane 12:20

E i ei ni tino Eleni nae i te vāega na olo ki Ieluhalema ke tāpuaki ai i te taimi o te Kaiga Fakamanatu o te Pāheka.

Ioane 17:21

Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 3:26

Oi olo ai ki a Ioane ma lea vē atu ki ei, “Te Faiakoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”

Gāluega 17:6

Kae e hēki maua e ki lātou te toka lua ki kinā, ma ko te mea ia na toho ai e ki lātou ia Iahona ma iētahi tino kua talitonu ma kave ki mua o te taupulega ma taufōlulua vē, “Ko nā tino iēnei kua ki lātou fakatupuagia te vevehi i ho he koga e olo ki ei! Nei, kua ōmamai ki to tātou kakai,

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.