Ioane 11:44 - Tokelauan New Testament

⁴⁴ Kua hau ki fafo ia Lahalo, ko ona vae ma ona lima e fuhi i ni fuhi, ma nā mata e pulupulu i he kie. Oi lea atu ai ia Iehu ki a te ki lātou “Tatala kehe nā fuhi, oi tuku ai ke fano.”

Ioane 11:44 ပူးပေါင်းရင်းမြစ်များ

Maleko 5:43

Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Luka 19:20

“Kua hau tētahi kaukauna ma lea mai, ‘Te aliki, tēnei tau tupe aulo na fōki mai; na kō mumunia ke galo i he holoholo.

Luka 7:15

Na nofo ake loa ki luga te tamāloa na oti ma kāmata oi tautala, oi tuku atu ai e Iehu ki tona mātua.

Ioane 10:30

Ko te Tamana ma au, e tahi ki māua.”

Ioane 11:39

Kua lea atu ia Iehu ki nā tino, “Kave kehe te fatu!” Kae kua tali mai ia Mafa, te tuafafine o te tamāloa kua oti, “Te Aliki, kua kātoa nei te fa o aho talu te tanu, ma kua manogi kino.”

Ioane 11:43

Kua lea vēnā atu ia, oi kalaga leo lahi ai vē, “Lahalo, hau ki fafo!”

Ioane 19:40

Kua kave e ki lāua te tino o Iehu, kua uku i nā lolo manogi ma āfīfī i nā kie vavae, e vē ko te tu a Iutaia i te hāuniga o te tino oti ke tanu.

Ioane 20:5

ma na punou ifo ki lalo oi ia kitea ai nā kie vavae e tatitia i kinā, kae e hēki fano ki loto.

Ioane 20:7

ka ko te meakie nae nonoa ai tona ulu e hē i te mea e i ei nā kie vavae, kae kua fetufetu ma tatia kehe mai.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.