Ioane 11:39 - Tokelauan New Testament

³⁹ Kua lea atu ia Iehu ki nā tino, “Kave kehe te fatu!” Kae kua tali mai ia Mafa, te tuafafine o te tamāloa kua oti, “Te Aliki, kua kātoa nei te fa o aho talu te tanu, ma kua manogi kino.”

Ioane 11:39 ပူးပေါင်းရင်းမြစ်များ

Maleko 16:3

Kua lea vē atu tētahi ki tētahi, “Ko ai nei te ka ia fuli kehea te fatupae i te gutu o te tugamau?” (Ko he fatupae lahi lele.) Kae kikila atu ki lātou ko te fatupae kua uma te fuli kehe.

Ioane 11:17

I te taunuku atuga o Iehu, na ia iloa ai kua kātoa te fa o aho, talu te tuku o te tino o Lahalo ki te tugamau.

Gāluega 13:36

Auā na fakataunuku e Tavita nā fuafuaga a te Atua ka koi ola ai. Kae i te otiga, na tanu fakatahi ma ona tupuna, ma na pala tona tino.

Gāluega 2:27

auā ka hē tuku tiakia au e koe te Atua, i te lalolagi o tagata oti; ka hē tukua e koe te tino o tau kaukauna fakamāoni ke pala i te tugamau.

2 Kolinito 2:16

Auā ko nā tino e hē fakaolagia, ko te manogi o te oti te ki lātou hogitia ma e maua ai ki lātou i te oti; kae ko nā tino e fakaolagia, ko te manogi o te ola te ki lātou hogitia ma e maua ai e ki lātou te ola. Ko ai la he tino e ia mafaia iēnei mea?

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.