Ioane 11:20 - Tokelauan New Testament

²⁰ I te lagonaga e Mafa ko Iehu kua hau, oi fano ai oi fakafetaui ki ei, kae ko Malia kua nofo i te fale.

Ioane 11:20 ပူးပေါင်းရင်းမြစ်များ

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 25:6

“Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’

Ioane 11:30

Ko Iehu ko hēki pa ki te kakai, kae koi i ei lava i te mea na fakafetaui ai e Mafa.)

Gāluega 10:25

Kua havali atu ia Petelu ka ulu atu ki te fale, kae fakafeiloaki mai e Konelio, kua fakapakū ki ona vae, ma ifo atu ki a Petelu.

Gāluega 28:15

Kua logotala te kau Kelihiano i Loma e uiga ki a te ki mātou, oi na ōmamai ai mai nā tamā kakai, ke pa lava ki nā tamā kakai e tau mamao mālie kehe atu e vē ko te Māketi o Apiou ma nā Faletalimālō e Tolu, ke feiloaki ki mātou. I te kitea atuga e Paulo nā tino iēnei, oi fakafetai ake ai ki te Atua ma na matuā fakalototelegia ai ia.

1 Tehalonia 4:17

ma ko ki tātou la iē koi ola i te taimi tēnā, ka hikitia ake fakatahi ma ki lātou i loto o nā ao, ke feiloaki ma te Aliki i te vānimonimo. Oi ka fakatahi ai pea lava ki tātou ma te Aliki.