Ioane 11:19 - Tokelauan New Testament

¹⁹ ma e tokalahi nā tino Iutaia na ōmamai oi fakamāfanafana ki a Mafa ma Malia, ona ko te oti o to lā tuagane.

Ioane 11:19 ပူးပေါင်းရင်းမြစ်များ

Luka 10:39

E i ei te taina o Mafa e igoa ki a Malia, kua nofo ki lalo i tafa o nā vae o te Aliki ma fakalogologo ki ana akoakoga.

Luka 10:42

kae e fokotahi oioti lava te mea e manakomia. Kua filifilia e Malia te mea e lelei, ma ka hē toe kave kehea lele mai ia te ia.”

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 11:1

Nae i ei he tamāloa e igoa ki a Lahalo nae nofo i Petania, na tauale. Ko Petania ko te kakai ia nae nonofo ai ia Malia ma tona uho ko Mafa.

Ioane 11:31

Ko nā tino Iutaia nae fakamāfanafana ki a Malia i loto o te fale, kua mulimuli ki a Malia i te taimi na ki lātou kitea atu ai kua tū ki luga ma fano vave ki fafo. Na vēakē, ko Malia e fano ki te tugamau oi tagi ai.

Ioane 11:33

I te kitea atuga e Iehu ko Malia e tagi, ma ko nā tino Iutaia foki nae i ei ma ia e faitatagi, oi tīgā lahi ai tona loto, ma kua maua i te fakanoanoa lahi.

Ioane 11:36

Kua lea vē nā tino Iutaia, “Kikila ki te lahi lele o te alofa o Iehu ki a Lahalo!”

Ioane 11:45

E tokalahi nā tino Iutaia na ōmamai oi āhi ia Malia, na ki lātou kitea te mea na fai e Iehu, ma na talitonu ai ki a te ia.

Ioane 11:8

Kua lea mai ona hoko ki a te ia, “Te Faiakoga, ko koe nei e hakili e nā tino Iutaia ke fetogi i ni fatu, kae ko koe e toe fia fano ki ei?”

Loma 12:15

Fiafia fakatahi ma ki lātou e fiafia, faitatagi fakatahi ma ki lātou e faitatagi.

2 Kolinito 1:4

E fehoahoani mai ia ki nā puapuagā uma o ki māua, ke mafai ai e ki māua oi fehoahoani ki iētahi tino e maua i te lahi o itūkāigā puapuagā kehekehe, e ala i te fehoahoani kua ki mā maua mai i te Atua.

1 Tehalonia 4:18

Ko te mea la ia e tatau ai koutou ke fakamākeke tētahi ki tētahi, i nā kupu iēnei.

1 Tehalonia 5:11

Ko te mea ia e tatau ai lava koutou ke fakamākeke ma fehoahoani tētahi ki tētahi, e vē lava ko te mea e fai e koutou i te taimi nei.