Ioane 11:16 - Tokelauan New Testament

¹⁶ Kua lea atu ia Toma (tēia e fakaigoa ko te Māhaga) ki iētahi o te kau hoko, “Tātou olo uma fakatahi ma te Faiakoga, kae ke oti fakatahi ki tātou ma ia.”

Ioane 11:16 ပူးပေါင်းရင်းမြစ်များ

Mataio 10:3

ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 26:35

Kua tali mai ia Petelu, “E hē mafai au ke lea vēnā, e tuha lava pe kāfai e oti ai au fakatahi ma koe.” Ma kua lea vēnā foki iētahi o te kau hoko.

Maleko 3:18

ko Anitelea, ko Filipo, ko Patolomaio, ko Mataio, ko Toma, ko Iakopo te Ataliki o Alefaio, ko Tātāio, ko Himona te Lotonuku,

Luka 22:33

Kua tali atu ia Petelu, “Te Aliki, ko au kua hāuni ke olo ma koe ki te falepuipui, ma ke oti fakatahi ma koe!”

Luka 6:15

ko Mataio ma Toma, ko Iakopo te ataliki o Alefaio, ma Himona (nae fakaigoa ko te Lotonuku),

Ioane 11:15

ma ko au e fiafia ko au nae hē i ei ma ia, kae ke mafai ai koutou ke talitonu mai ki a te au. Keina tātou olo loa ki a Lahalo.”

Ioane 11:8

Kua lea mai ona hoko ki a te ia, “Te Faiakoga, ko koe nei e hakili e nā tino Iutaia ke fetogi i ni fatu, kae ko koe e toe fia fano ki ei?”

Ioane 13:37

Kua fehili atu ia Petelu, “Te Aliki, aiheā te hē mafai ai au ke mulimuli atu ki a te koe i te taimi nei? Ko au kua hāuni ke oti mo koe!”

Ioane 14:5

Kua lea atu ia Toma ki a te ia, “Te Aliki, e hē ki mātou iloa te mea e fano koe ki ei, kae e vēhea la ona iloa e ki mātou te ala e fano ki ei?”

Ioane 21:2

Nae fakapotopoto i kinā ia Himona Petelu, ko Toma (tē e fakaigoa ko te Māhaga), ko Natanielu mai Kana i Kalilaia, ko nā ataliki o Hepetaio, ma iētahi hoko e toka lua.

Gāluega 1:13

Kua taunuku atu ki lātou ki Ieluhalema, oi olo ai ki te potu nae nonofo ai i te falealuga; ko Petelu, ko Ioane, ko Iakopo ma Anitelea, ko Filipo ma Toma, ko Patolomaio, ko Mataio, ko Iakopo te ataliki o Alefaio, ko Himona (nae fakaigoa ko te Lotonuku), ma Iuta te ataliki o Iakopo.