Ioane 11:15 - Tokelauan New Testament

¹⁵ ma ko au e fiafia ko au nae hē i ei ma ia, kae ke mafai ai koutou ke talitonu mai ki a te au. Keina tātou olo loa ki a Lahalo.”

Ioane 11:15 ပူးပေါင်းရင်းမြစ်များ

Ioane 11:14

Oi fakamanino ai e Iehu ki te ki lātou, kua lea vē atu, “Ko Lahalo kua oti;

Ioane 11:16

Kua lea atu ia Toma (tēia e fakaigoa ko te Māhaga) ki iētahi o te kau hoko, “Tātou olo uma fakatahi ma te Faiakoga, kae ke oti fakatahi ki tātou ma ia.”

Ioane 11:4

Kae i te lagonaga e Iehu o te mea tēnei, oi lea vē ai, “Ko te ikuga mulimuli o te tauale o Lahalo e hē ko te oti; ko te mea tēnei kua tupu ke fakaalia ai te mana o te Atua, ma ke vīkia ai te Ataliki o te Atua.”

Ioane 12:30

Kae kua vāgana atu ia Iehu ki a te ki lātou, “Ko te leo tēnei na tautala mai, e hē mo au kae mo koutou.

Ioane 17:19

Ona ko ki lātou, e ofo kātoatoa atu ai au mo koe, kae ke mafai ai foki ke ofo kātoatoa atu ki lātou mo koe, ma te fakamāoni.

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

1 Ioane 5:13

Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua