Ioane 10:6 - Tokelauan New Testament

⁶ Na fai e Iehu te talafakatuha tēnei ki a te ki lātou, kae e hēki mālamalama ki lātou pe he ā tona uiga.

Ioane 10:6 ပူးပေါင်းရင်းမြစ်များ

Mataio 13:34

Na fakaaogā e Iehu nā talafakatuha ke fakailoa ai nā mea uma iēnei ki tagata: nae hē mafai ke lea ki a te ki lātou i he mea e aunoa ma te ia fakaaogāgia o he talafakatuha.

Mataio 13:51

Kua fehili atu ia Iehu ki nā hoko o ia, “E mālamalama koutou i nā mea iēnei?” “Io,” kua tali vē mai ki lātou ki a te ia.

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Ioane 16:25

“Nae fakaaogā e au nā talafakatuha ke fakailoa atu ai ki a te koutou nā mea iēnei. Kae e hau te taimi ka hē toe kō fakaaogā ai nā talafakatuha, kae ka fakaaogā te gagana faigōfie ke tautala atu ai au ki a te koutou, e uiga ki te Tamana.

Ioane 16:29

Oi lea atu ai ki ei ona hoko, “E hako, ko koe kua tautala mai nei i te gagana faigōfie, kae kua hē fakaaogā e koe nā talafakatuha.

Ioane 6:52

Oi kāmata ai kua tauaikupu nā tino Iutaia, ma lea vē, “E vēhea ona fōki mai e te tagata nei tona kanofi ke kai e ki tātou?”

Ioane 6:60

Ko te tokalahi o tagata nae mulimuli ki a Iehu, na ki lātou lagona atu te mea tēnei, oi lea vē ai, “Kai te faigatā ātili o tēnei akoakoga. Ko ai te fia fakalogo ki ei?”

Ioane 7:36

He ā te uiga o tana tala na fai vē, ‘Ka koutou hakilia au, kae ka hē koutou maua au,’ ma, ‘E hē koutou mafaia oi olo ki te mea ka i ei ai au?’ ”

Ioane 8:27

E hēki mālamalama ki lātou ko Iehu e tautala ake e uiga ki te Tamana i te lagi.

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

2 Petelu 2:22

Ko te mea na tupu ki a te ki lātou e fakaalia ai te hako o nā alagākupu e vē: “Ko te kulī e toe foki lava ki ona puakiga” ma “Ko te puaka kua uma te fufulu kehe o te palapala mai tona tino, e toe foki lava oi takafili i te palapala.”

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.