Ioane 10:33 - Tokelauan New Testament

³³ Kua tali mai nā tino Iutaia, “Ko koe e hē fia fetogia e ki mātou ona ni gāluega lelei e a koe na fai, kae ona ko koe kua fāifāi ki te Atua. Ko koe kua nā ko he tagata, kae ko koe e taumafai ke kavea koe ma Atua.”

Ioane 10:33 ပူးပေါင်းရင်းမြစ်များ

Ioane 10:24

kae ōmamai nā tino Iutaia kua fakapotopoto fakatāmilo ia te ia ma fehili vē mai ki ei, “He ā te mataloa ka mumuni ai pea e koe te meamoni mai ia te ki mātou? Kāfai ko koe ko te Mehia, taku hako mai la ki a te ki mātou!”

Ioane 10:30

Ko te Tamana ma au, e tahi ki māua.”

Ioane 10:32

Kua lea atu ia Iehu ki a te ki lātou, “Kua fakailoa atu e au ki a te koutou te lahi o nā gāluega lelei na tuku mai e te Tamana ki a te au ke fai; tēfea la te gāluega o nā gāluega iēnei ka fetogi ai au e koutou?”

Ioane 19:7

Kua tali mai nā tino Iutaia, “E tuha ai ma te mātou tūlāfono, ko te tagata tēnei e tatau tāmate, auā kua fai tana fakamatalaga ko ia ko te Ataliki o te Atua.”

Ioane 5:18

Ko te kupu iēnei a Iehu na ātili ai lava te fia tāmate ki ei o nā takitaki o Iutaia. Ona kua hē gata i te ia holia o te Hāpati, kae kua lea foki ko tona Tamana ko te Atua, ma ia fakatutuhagia ia ma te Atua.

Loma 13:1

Ke uhitaki ia tagata uma tau tokatahi ki nā tūlāfono fakatemālō, auā e hē mafai ke i ei he mālō kāfai e hē finagalo ki ei te Atua, ma ko nā mālō e tutū nei, na tuku ki ei e te Atua.

Filipi 2:6

Nae ia te ia lava te natula o te Atua, kae e hēki fofou lele ko ia ke tūmau te tutuha ma te Atua.