Ioane 10:27 - Tokelauan New Testament

²⁷ E lagona e aku māmoe toku leo, ma e iloa e au ki lātou, ma e mulimuli mai ki a te au.

Ioane 10:27 ပူးပေါင်းရင်းမြစ်များ

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 25:12

Kae kua tali mai te tama fakaipoipo, ‘E hēai he mea vēnā, e hē kō iloa koutou.’ ”

Mataio 7:23

Oi ka lea vē atu au ki a te ki lātou, ‘E hē kō iloa koutou. Olo kehe ma au, koutou nā tino āmio kino.’

Maleko 10:21

Kua kikila hako atu ia Iehu ki te tamāloa ma tona alofa, oi lea vē atu ai ki ei, “Toe tahi lava la te mea ko hēki kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Maleko 8:34

Oi kalaga atu loa ia Iehu ki tagata ma ona hoko ke ōake ki a te ia, oi vāgana atu ai ki ei, “Kāfai he tino e fia mulimuli mai ki a au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Luka 13:27

Kae ka toe lea vē atu, ‘E hē kō iloa pe ko koutou e ōmamai i fea! Olo kehe ma au, koutou uma nā tino āmiokino!’

Luka 9:23

Oi vāgana atu ai ia Iehu ki a te ki lātou uma, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo i aho uma, ma mulimuli mai ki a te au.

Ioane 10:14

Ko au ko te leoleomāmoe lelei. E vē ona iloa au e te Tamana ma iloa e au te Tamana,

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 10:8

Ko iētahi tino uma lele na muamua mai ia te au, ni tino kaihohoa ma ni tino fāomea, kae e hēki fakalogo ki ei nā māmoe.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Gāluega 3:23

Ho he tino e hē fakalogo ki te mea e lea atu ai te pelofeta tēnā, ka fakateka kehegia ia mai tagata o te Atua, ma fakaumatia.’

1 Kolinito 8:3

Kae ko te tino e alofa ki te Atua, e iloa ia e te Atua.

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.