Ioane 10:16 - Tokelauan New Testament

¹⁶ E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 10:16 ပူးပေါင်းရင်းမြစ်များ

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Luka 15:8

Kua fai tētahi talafakatuha e Iehu. “Ko ai he fafine e i ei ni ana tupe hiliva e hefulu, ma kāfai e galo he tupe hiliva e fokotahi, e hē ia tutua he mōlī ma haluhalua te fale, ma hakili fakalelei lele ke maua?

Ioane 10:11

“Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 10:2

Ko te tino e ulu ki loto kui i te faitotoka, ko ia tēnā ko te leoleomāmoe o nā māmoe.

Ioane 10:27

E lagona e aku māmoe toku leo, ma e iloa e au ki lātou, ma e mulimuli mai ki a te au.

Ioane 10:3

E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Ioane 10:4

Kāfai e kave e ia nā māmoe ki fafo, e fano ki mua o ki lātou, oi mulimuli ai ki lātou ki a te ia auā e ki lātou matea tona leo.

Ioane 10:5

Ka hē mulimuli ki lātou ki hētahi tino; kae ka fētutuli kehe ki lātou mai he tino vēnā, auā e hē ki lātou mateagia tona leo.”

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 17:20

“Ko au e hē tatalo mo ki lātou oioti, kae vēnā foki mo nā tino kua talitonu mai ki a te au, e ala i a lātou takutinoga.

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Gāluega 15:14

Na fātoā uma atu nei lava te fakamālamalama e Himona, pe na vēhea ona muamua āhiāhi te Atua ki tagata nukukehe, ma ia kave kehea mai ia te ki lātou, ni tino ke fai ma ona tagata.

Gāluega 18:10

auā ko au e i ei fakatahi ma koe. E hēai he tino e ia mafaia oi fai he mea ke ogohia ai koe, auā i te kakai tēnei, e tokalahi oku tagata e nonofo ai.”

Gāluega 22:14

Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.