Ioane 10:13 - Tokelauan New Testament

¹³ E vili kehe te tino faigāluega, auā ko ia kua nā ko he tino faigāluega, ma e hēai hona popole ki nā māmoe.

Ioane 10:13 ပူးပေါင်းရင်းမြစ်များ

Ioane 10:12

Ko te tino faigāluega totogi kae e hē ko he leoleomāmoe, ma e hē a ia nā māmoe, e vili kehe kae tīaki nā māmoe kāfai e ia kitea he luko; oi ohofaki ai e te luko nā māmoe ma fakatākapekape ai ki lātou.

Ioane 10:14

Ko au ko te leoleomāmoe lelei. E vē ona iloa au e te Tamana ma iloa e au te Tamana,

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.

Gāluega 18:17

Kua puke e ki lātou uma ia Hohetene te takitaki o te hūnako, ma kini i mua o te fakamahinoga. Kae e hēki tokaga lele ki ei ia Kaliono.

1 Kolinito 7:32

Ko au e hē fofou ko koutou ke popole. Ko te tino e hēki fakaipoipo e fano tona māfaufau ki te gāluega a te Aliki, auā e taumafai ke fai e ia te mea e fiafia ai te Aliki.

1 Kolinito 7:33

Kae ko te tino kua fakaipoipo, e fano tona māfaufau ki nā mea o te lalolagi, auā e taumafai ke fai e ia nā mea e fiafia ai tana āvaga,

Filipi 2:20

Ko ia oioti te tino e tutuha o mā loto, ma e alofa moni atu ki a te koutou.