Ioane 10:11 - Tokelauan New Testament

¹¹ “Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 10:11 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Ioane 10:2

Ko te tino e ulu ki loto kui i te faitotoka, ko ia tēnā ko te leoleomāmoe o nā māmoe.

Ioane 15:13

E hēai he alofa e hili atu i lo tēnei, ko te ofo atu e he tino o tona ola mo ana uō.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

1 Ioane 3:16

Ko tēnei te mea e iloa ai e ki tātou te mea e takua ko te alofa: Ko Keliho na fōki tona ola mo ki tātou. Ko ki tātou foki la, e tatau ke fōki o tātou ola mo iētahi uho Kelihiano!

Fakaaliga 7:17

auā ko te Punuamāmoe, tē ei lototonu o te nofoāliki, ka fai ia ma o lātou leoleomāmoe, ma ka ia takitakia ki lātou ki nā vaipuna o te vai o te ola. Ma ka holoi kehe e te Atua nā loimata uma mai o lātou mata.”