Ioane 10:10 - Tokelauan New Testament

¹⁰ Ko te tino kaihohoa e hau oioti ke kaihohoa, ke tāmate ma ke fakatāugā. Ko au na hau kae ke maua ai e ki lātou te ola — te ola e kātoatoa i mea uma.

Ioane 10:10 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 21:13

Kua lea vē atu ia ki a te ki lātou, “E tūhia i nā Tuhituhiga Paia, ko te Atua na vāgana, ‘Ko toku fale ka takua he fale tatalo.’ Kae kua fai e koutou ma ana o tagata kaihohoa!”

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Maleko 11:17

Oi akoako atu ai e ia ki nā tino, kua lea vēnei atu, “E tūhia i nā Tuhituhiga Paia, ko te Atua na vāgana vē, ‘Ko toku fale ka takua he fale tatalo e o tagata o mālō uma.’ Kae kua koutou faia ma ana o tagata kaihohoa!”

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Ioane 10:1

Kua vāgana ia Iehu, “E takutino atu e au ki a te koutou te meamoni: ko te tino e hē ulu i te faitotoka ki loto o te lōtoā o nā māmoe, kae kake ki loto kui i hētahi auala, ko he tino kaihohoa ma fāomea tēnā.

Ioane 10:11

“Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 12:47

E hē fakamahinoa e au nā tino e ki lātou lagona aku kupu, kae hē uhitaki ki ei. Ko au e hēki hau ke fakamahino ia tagata o te lalolagi, kae ke fakaola.

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 5:40

kae e hē fia ōmamai lava koutou ki a te au, kae ke koutou maua ai te ola.

Ioane 6:33

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Loma 2:21

E akoako e koe iētahi tino — kae he ā te hē akoako ai lava koe e koe? E tālaki e koe vē, “Nahe kē kaihohoa” — kae ko koe e kaihohoa.

1 Timoteo 1:15

Ko he fakakupuga tēnei e hako, ma e tatau ke talia kātoatoa ma talitonu ki ei: Ko Keliho Iehu na haele mai ki te lalolagi ke fakaola nā tino agahala. Ma ko au te tino agahala e hili atu te kino,

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.