Ioane 1:51 - Tokelauan New Testament

⁵¹ Oi toe lea atu ai ia Iehu, “E takutino atu e au ki a te koutou te meamoni; ka kitea e koutou te lagi e matala, ma nā agelu a te Atua e ōake ki luga ma ōifo ki lalo i luga o te Ataliki o te Tagata.”

Ioane 1:51 ပူးပေါင်းရင်းမြစ်များ

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Mataio 3:16

Na uma loa te papatiho o Iehu, oi fanake loa ki luga mai te vai. I te taimi lava tēnā na māvā ai te lagi, ma na ia kitea atu te Agaga o te Atua kua fanaifo ki lalo e vē he lupe, ma tū ki ona luga;

Mataio 4:11

Oi fano kehe ai te Tiāpolo, kae kua ōmamai nā agelu oi fehoahoani ki a Iehu.

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Mataio 9:6

Ka kō fakamāonia atu la ki a te koutou, ei te Ataliki o te Tagata te pule i te lalolagi, ke fakamāgalo ai nā agahala.” Oi lea atu ai ki te tamāloa e mate tona tino kātoa, “Tū ki luga, hiki tō moega oi fano ki tō kāiga!”

Maleko 1:10

Na fanake loa ia Iehu ki luga mai te vai, oi ia kitea atu ai te lagi kua māvā ma te Agaga e fanaifo ki lalo e vē he lupe;

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Luka 2:13

Kae teki lava kua i ei fakatahi ma te agelu, he vāega agelu tokalahi mai te lagi, e pepehe i nā vīkiga ki te Atua:

Luka 2:9

Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou,

Luka 22:43

Oi fakakitea ai he agelu mai te lagi ki a Iehu, ma fakamākeke ki a te ia.

Luka 22:69

Kae e kāmata atu nei, ko te Ataliki o te Tagata ka nofo i te itū taumatau o te Atua Hilihilikehe te Mālohi.”

Luka 24:4

Oi tutū ai i kinā, kua hē ki lātou hāfia te uiga o te mea tēnei, kae nā lava e teki ni tamāloa e toka lua kua tutū i o lātou tafa, ma ko o lā kofu e huhulu pupula.

Luka 3:21

Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi,

Ioane 1:50

Kua lea atu ia Iehu, “Ko koe nei kua talitonu ona ko au na lea atu, na kō kitea koe i lalo o te mati? Ka kē kiteagia nā mea e tutupu, e hili atu lele te ofoofogia i lo te mea tēnei!”

Ioane 10:1

Kua vāgana ia Iehu, “E takutino atu e au ki a te koutou te meamoni: ko te tino e hē ulu i te faitotoka ki loto o te lōtoā o nā māmoe, kae kake ki loto kui i hētahi auala, ko he tino kaihohoa ma fāomea tēnā.

Ioane 10:7

Oi toe vāgana atu ai ia Iehu, “E takutino atu e au ki a te koutou te meamoni: ko au ko te faitotoka mo nā māmoe.

Ioane 13:16

E lea atu au ki a te koutou i te meamoni: e hē hili atu nā pologa i lo to lātou matai, ma e hē hili atu nā kavefekau i lo te tino na ia uga atua ki lātou.

Ioane 13:38

Kua tali mai ia Iehu, “Ko koe moni kua hāuni ke oti mo au? E takutino atu e au ki a te koe te meamoni: ka ko hēki vivini ia moa ka kua fakafiti fakatolu koe, e hē kē iloa au.”

Ioane 14:12

E takutino atu e au ki a te koutou te meamoni, ko nā tino e talitonu mai ki a te au, ka ki lātou faia nā mea e kō faia; ma ka ki lātou faia nā mea e hili atu te lalahi, auā ko au e fano ki te Tamana.

Ioane 16:20

E takutino atu e au ki a te koutou te meamoni; ka faitatagi ma lauē koutou, kae ka fiafia te lalolagi; ka fakanoanoa koutou, kae ko te koutou fakanoanoa ka līua ki te fiafia.

Ioane 16:23

“Kāfai e pa mai te aho tēnā, ka hē toe gogō mai koutou ki a te au ki he mea. E takutino atu e au ki a te koutou te meamoni: kāfai koutou e gogō atu ki toku Tamana i ho he mea i toku igoa, ka fōki atu e ia ki a te koutou.

Ioane 21:18

E takutino atu e au ki a te koe te meamoni; ka koi tamaiti koe, nae fai lava e koe tō fuhipaku ma fano ki ho he mea e fia fano koe ki ei; kae kāfai koe e matua, ka falōlō atu ō lima, oi ōmamai ai nā tino oi fai tō fuhipaku, ma kave koe ki he mea e hē fia fano koe ki ei.”

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Ioane 5:19

Oi vāgana atu ai ia Iehu ki a te ki lātou, “E takutino atu e au ki a te koutou te meamoni; e hē mafai e te Ataliki ona fai he mea nā ko ia; kae e ia faia oioti nā mea e ia kitea e fai e tona Tamana. Ko te mea lava e fai e te Tamana, e fai foki e te Ataliki.

Ioane 5:27

Kua tuku atu foki e te Tamana ki te Ataliki, te pule ke ia fakamahinoa ai ia tagata uma, auā ko ia ko te Ataliki o te Tagata.

Ioane 6:26

Kua tali mai ia Iehu, “E takutino atu e au ki a te koutou te meamoni; ko au e koutou hakilia ona ko koutou na kakai mākokona i nā falaoa, kae hē ona ko koutou kua mālamalama i nā fakailoga na fai e au.

Ioane 6:32

Oi lea atu ai ia Iehu ki a te ki lātou, “E takutino atu e au ki a te koutou te meamoni, ko te mea na fōki atu e Mohe e hē he falaoa mai te lagi; ko toku Tamana te ia fōki atua te falaoa moni mai te lagi.

Ioane 6:47

E takutino atu e au ki a te koutou te meamoni; ko ai lava he tino e talitonu, ka maua e ia te ola e fakavavau.

Ioane 6:53

Oi lea atu ai ia Iehu ki a te ki lātou, “E takutino atu e au ki a te koutou te meamoni; ka hē kakai koutou ki te kanofi o te Ataliki o te Tagata, ma inu ki tona toto, ka hē ia te koutou te ola.

Ioane 8:34

Oi lea atu ai ia Iehu ki ei, “E takutino atu e au ki a te koutou te meamoni: ho he tino e agahala, ko he pologa tēnā e a te agahala.

Ioane 8:51

E takutino atu e au ki a te koutou te meamoni: ko ai lava e uhitaki ki aku akoakoga ka hē oti lele.”

Ioane 8:58

Kua tali mai ia Iehu, “E takutino atu e au ki a te koutou te meamoni, ka ko hēki fānau mai ia Apelaamo, ka kua i ei Au Ko Au Lava Au.”

Gāluega 10:11

Kua kitea atu e ia te lagi kua māvā, ma he mea e vē he kiekafu lahi e fōliga e tukutuku ifo ki te lalolagi i ona pito e fa.

Gāluega 7:56

Kua lea vē atu ia Hetefano, “Kikila! E kitea atu e au te lagi kua māvā ma te Ataliki o te Tagata e tū i te itū taumatau o te Atua!”

2 Tehalonia 1:7

ma ka fakamapu e ia koutou iēnā e puapuagā vēnā ma ki mātou. Ka ia faia te mea tēnei, kāfai te Aliki ko Iehu e haele ifo mai te lagi ma tana kau agelu mākekeke,

2 Tehalonia 1:9

Ka puapuagā ki lātou i te fakahalaga ke pa ki te fakavavau, ma kave kehea mai i te mea e i ei te Aliki ma te uiga kehe o tona mālohi,

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Fakaaliga 4:1

I te taimi tēnā, oi kikila atu ai au ma kō kitea atu he faitotoka e matala i te lagi. Ma te leo e vē ko te tagi a he pu na lagona foki e au muamua e tautala mai, e lea vē mai, “Hau ki luga i kinei, oi fakaali atu ai e au ki a te koe nā mea e tatau ke tutupu kāfai e uma te mea tēnei.”