Ioane 1:47 - Tokelauan New Testament

⁴⁷ I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

Ioane 1:47 ပူးပေါင်းရင်းမြစ်များ

Ioane 2:25

E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.

Ioane 4:16

Oi lea atu ai ia Iehu ki ei, “Fano la oi kaumai tau āvaga.”

Ioane 8:31

Oi vāgana atu ai ia Iehu ki nā tino Iutaia kua talitonu ki a te ia, kua vē atu, “Kāfai koutou e uhitaki ki aku akoakoga, ko koutou ni hoko moni lava e ōku;

Ioane 8:39

Kua tali mai ki lātou, “Ko te tamana o ki mātou ko Apelaamo.” Kua tali atu ia Iehu, “Anei ake koutou ni fānau moni e a Apelaamo, e koutou faia te mea na fai e Apelaamo.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

Loma 9:6

E hē vēakē la ko te folafolaga a te Atua kua hē fakataunukua; auā e hē ko tagata uma na tupuga mai ia Ihalaelu ni tagata e o te Atua.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

Fakaaliga 14:5

E hēki tala pepelo lele ki lātou, ma e hēai lele ni o lātou uiga hehē.