Ioane 1:45 - Tokelauan New Testament

⁴⁵ Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Ioane 1:45 ပူးပေါင်းရင်းမြစ်များ

Mataio 10:3

ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 13:55

E hē ko ia tēnei te ataliki o te kāmuta? E hē ko Malia nei tona mātua? E hē ni uho nei e o ia ia Iakopo, Iohefa, Himona ma Iuta?

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Maleko 14:67

Kua ia kitea atu ia Petelu e fakamāfanafana mai i te afi, oi kikila hako ai ki ei kae lea vē atu, “Ko koe foki tētahi tino nae i ei fakatahi ma Iehu te Nahaleta.”

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Luka 18:37

Kua tali atu nā tino ki ei, “Ko Iehu te Nahaleta e kui ake i te auala.”

Luka 2:4

Na vēnā foki la ia Iohefa, na fanatu mai te kakai ko Nahaleta i Kalilaia, ki te kakai ko Peteleema i Iutea, te mea na fānau mai ai te Tupu ko Tavita. Na fano ki ei ona ko ia na tupuga mai ia Tavita.

Luka 2:48

Na ofo lele foki ona mātua i te ki lā kiteaga o Iehu, oi lea vē atu ai tona mātua ki ei, “Taku tama, he ā te kua fai ai e koe te mea tēnei ki a te ki māua? Kikila, ko koe nae hakili e ki māua ma tō tamana, ma ko ki māua na popole lele.”

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 3:23

E tuha kua toluhefulu ia tauhaga o Iehu, kae kāmata tana gāluega. Ko he ataliki, i te manatu o nā tino, e o Iohefa te ataliki o Eli,

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Ioane 1:44

Ko Filipo e hau mai Petehaita, te kakai e nonofo ai ia Anitelea ma Petelu.

Ioane 12:21

Kua olo ki a Filipo (e hau mai Petehaita i Kalilaia) oi fehili vē ki ei, “Te aliki, ko ki mātou e fia feiloaki ma Iehu.”

Ioane 14:8

Kua lea atu ia Filipo ki a Iehu, “Te Aliki, fakahino mai ki a te ki mātou te Tamana; oioti lava te mea e fofou ki mātou ki ei.”

Ioane 18:5

Kua tali mai ki lātou, “Ko Iehu te Nahaleta.” Oi lea atu ai ia Iehu, “Ko au tēnei” Ko Iuta te fakalata, e tutū fakatahi mai ma ki lātou.

Ioane 18:7

Kua toe fehili atu ia Iehu ki a te ki lātou, “Ko ai ta koutou e hakili?” Kua lea mai ki lātou, “Ko Iehu te Nahaleta.”

Ioane 19:19

Na fakatonu foki e Pilato ke tuhi he fakaaliga ma tuku ki luga o te hātaulo. Ko te fakaaliga e vēnei, “Iehu te Nahaleta, te Tupu o Tagata Iutaia.”

Ioane 21:2

Nae fakapotopoto i kinā ia Himona Petelu, ko Toma (tē e fakaigoa ko te Māhaga), ko Natanielu mai Kana i Kalilaia, ko nā ataliki o Hepetaio, ma iētahi hoko e toka lua.

Ioane 6:42

Kua lea vē ki lātou, “E hē ko Iehu tēnei te ataliki o Iohefa, ko ona mātua e ki tātou iloa uma? Kae e vēhea la ona lea ko ia na fanaifo mai te lagi?”

Ioane 6:5

I te kitea atuga e Iehu te tokalahi o nā tino kua ōmamai ki a te ia, oi fehili ai ki a Filipo, kua vē atu, “Ko fea he mea e mafai ke fakatau mai ai ni falaoa e lava, ke fafaga ai nā tino uma iēnei?”

Ioane 6:7

Kua tali mai ia Filipo, “E hē tāitai ke lava nā falaoa e mafai ke fakatau mai i te 200 tupe hiliva ke maua ai he tamā mea ma nā tino tau tokatahi uma lele iēnei.”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 22:8

Oi fehili ai au, ‘Te Aliki, ko ai koe?’ Oi vāgana vē mai ai, ‘Ko au ko Iehu te Nahaleta, tē kua fakahāuā koe ki ei.’

Gāluega 26:9

“Na pa foki lava au ki te lagona ko au ke teteke mālohi ki te igoa o Iehu te Nahaleta.

Gāluega 3:6

Kae kua lea vē atu ia Petelu ki ei, “E hēai haku tupe e fokotahi, kae ka kō fōki atua te mea e ia te au; i te igoa o Iehu Keliho o Nahaleta, e lea atu ai au ki a te koe, tū ki luga oi havali!”