Ioane 1:43 - Tokelauan New Testament

⁴³ I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Ioane 1:43 ပူးပေါင်းရင်းမြစ်များ

Mataio 10:3

ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 4:12

I te lagonaga e Iehu ko Ioane kua kave ki te falepuipui, oi fano ai ki Kalilaia.

Mataio 8:22

Kae kua tali atu ia Iehu, “Mulimuli mai ki a te au kae tuku vē nā tino oti ke tanu e ki lātou o lātou lava tino oti.”

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Ioane 1:28

Ko nā talatalanoaga iēnei, nae fai i Petania i te itū i hahae o te Vaitafe ko Iolitana, te mea nae fai ai te papatihoga a Ioane.

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 1:35

I te aho alafaki, na toe tū ai foki ia Ioane i kinā fakatahi ma ona hoko e toka lua,

Ioane 1:37

Kua lagona atu e nā hoko e toka lua o ia te mea tēnei, oi olo ai kua mulimuli ki a Iehu.

Ioane 1:44

Ko Filipo e hau mai Petehaita, te kakai e nonofo ai ia Anitelea ma Petelu.

Ioane 12:21

Kua olo ki a Filipo (e hau mai Petehaita i Kalilaia) oi fehili vē ki ei, “Te aliki, ko ki mātou e fia feiloaki ma Iehu.”

Ioane 14:8

Kua lea atu ia Filipo ki a Iehu, “Te Aliki, fakahino mai ki a te ki mātou te Tamana; oioti lava te mea e fofou ki mātou ki ei.”

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 6:5

I te kitea atuga e Iehu te tokalahi o nā tino kua ōmamai ki a te ia, oi fehili ai ki a Filipo, kua vē atu, “Ko fea he mea e mafai ke fakatau mai ai ni falaoa e lava, ke fafaga ai nā tino uma iēnei?”

Ioane 6:7

Kua tali mai ia Filipo, “E hē tāitai ke lava nā falaoa e mafai ke fakatau mai i te 200 tupe hiliva ke maua ai he tamā mea ma nā tino tau tokatahi uma lele iēnei.”

Filipi 3:12

Ko au e hē lea atu kua maua e au te mea tēnei, pe ko au kua lelei kātoatoa. Kae ko au e tauivi lava ke kō maua te fakailoga. Ko tēnei tonu foki lava te māfuaaga na kavea ai au e Keliho Iehu ke fai mo ia.

1 Ioane 4:19

Ko ki tātou e alolofa auā ko te Atua na alofa muamua mai ki a te ki tātou.