Ioane 1:34 - Tokelauan New Testament

³⁴ Kua kō kitea,” kua lea vēnā atu ia Ioane, “ma e lea atu au ki a te koutou, ko ia tēnei ko te Ataliki o te Atua.”

Ioane 1:34 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 26:63

Kae ko Iehu kua hē kīkī lele. Oi toe fehili atu ai ki ei te Ulu Ohitāulaga, “Ko au e lea atu nei ki a te koe i te igoa o te Atua ola, taku mai ki a te ki mātou te meamoni: ko koe moni ko te Mehia, te Ataliki o te Atua?”

Mataio 27:40

Kua lea vē atu ki lātou, “Ko koe tēnā na lea e kē talepea ki lalo te Mālumalu, oi toe fakatū ai i nā aho e tolu? Fakaola lava la koe e koe. Kāfai ko koe ko te Ataliki o te Atua, fanaifo la ki lalo o te hātaulo!”

Mataio 27:43

E talitonu ki te Atua ma lea ko ia ko te Ataliki o te Atua. Tātou kikila la pe i na fofou te Atua ke fakaola ki a te ia i te taimi nei!”

Mataio 27:54

I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Mataio 4:6

oi lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo, auā lea mai te tuhituhiga paia: ‘Ka fakatonu e te Atua ana agelu ke kikilagia koe; ka hapahapaia koe e ki lātou i o lātou lima, kae ke pa foki lava ki ō vae ka hē mafai ke ogohia i he fatu.’ ”

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 1:1

Ko tēnei te kāmataga o te Tala Lelei ki a Iehu Keliho te Ataliki o te Atua.

Maleko 1:11

ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Luka 1:35

Ka kua tali mai te agelu, “Ka fanaifo te Agaga Paia ki ō luga, ma ko te mana o te Hilihilikehe ka fakamalumalu ifo ki ō luga. Ko te mea ia ka paia ai te tama ka fānau mai, ma ka takua ai ko te Ataliki o te Atua.

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Ioane 10:30

Ko te Tamana ma au, e tahi ki māua.”

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 11:27

Kua tali mai ia Mafa, “Io, te Aliki. Ko au e talitonu ko koe ko te Mehia, te Ataliki o te Atua, na tuku e hau ki te lalolagi.”

Ioane 19:7

Kua tali mai nā tino Iutaia, “E tuha ai ma te mātou tūlāfono, ko te tagata tēnei e tatau tāmate, auā kua fai tana fakamatalaga ko ia ko te Ataliki o te Atua.”

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

2 Kolinito 1:19

Auā ko Iehu Keliho, te Ataliki o te Atua, tē nae folafola atu ki a te koutou e ki mātou — e au vēnā ma Hila ma Timoteo, e hē ko he tino e “Io” ma “Hēai” i te taimi e fokotahi, kae e “Io” i taimi uma lava;

Epelu 7:3

E hēai ni fakamaumauga e tūhia ai te tamana pe ko te mātua o Melekiheteka, pe ko ona tupuna; e hēai ni fakamaumauga o tona fānau mai pe ko tona mate. E vē foki ia ko te Ataliki o te Atua; e tūmau pea lava i te tofi ohitāulaga ke pa ki te fakavavau.

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

1 Ioane 4:9

Ma kua fakaalia te alofa o te Atua ki a te ki tātou i te kua uga mai e ia o tona Ataliki e fokotahi ki te lalolagi, kae ke maua ai e ki tātou te ola e ala ia te ia.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

Fakaaliga 2:18

“Tuhi vēnei ki te agelu o te Ekalehia i Tuateilo: “Ko te fekau tēnei mai te Ataliki o te Atua, ko ona mata e mumū e vē he afi, ko ona vae e gigila e vē he apamemea kua uma te pōlehi.