Ioane 1:31 - Tokelauan New Testament

³¹ Nae hē kō iloa pe he tino vēhea, kae ko au na hau ke papatiho i te vai, kae ke fakailoa atu ai ia, ki tagata o Ihalaelu.”

Ioane 1:31 ပူးပေါင်းရင်းမြစ်များ

Mataio 3:13

Ko te taimi tēnā na pa ifo ai ia Iehu mai Kalilaia, ma na fano ai ki te vaitafe ko te Iolitana ke papatiho ia e Ioane.

Mataio 3:6

Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Luka 1:17

Ka muamua atu ia i te Aliki, ma e mākeke ma lototele, e vē ko te pelofeta ko Elia. Ka fakaliliu e ia ia loto o mātua ki a lātou fānau; ka fakaliliu e ia nā tino fakalogo gatā ke toe kui i nā auala o te āmiotonu; ka tāpena e ia nā tino o te Aliki, ke hāuniuni mo ia.”

Ioane 1:30

Ko ia tēnei na lea atu ai au, ‘E i ei he tino e mulimuli mai ia te au, kae e hili atu ia i lo au, auā nae i ei ia ka ko hēki fānau mai au.’

Ioane 1:32

Oi fai ai te molimau a Ioane: “Na kō kitea te Agaga Paia e fanaifo mai te lagi e vē he lupe, ma nofo i ona luga.

Ioane 1:33

Nae hē kō iloa pe he tino vēhea, kae ko te Atua, na ia uga maia au ke papatiho i te vai, na vāgana mai ki a te au, vē mai, ‘Ka kitea e koe te Agaga e fanaifo oi nofo i luga o he tino; ko ia tēnā te ia papatihoa i te Agaga Paia.’

Ioane 1:7

na hau ke fai ma molimau, ma fakailoa atu ki tagata e uiga ki te mālamalama, kae ke talitonu uma ai ki lātou ona ko ia.

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”