Ioane 1:29 - Tokelauan New Testament

²⁹ I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 1:29 ပူးပေါင်းရင်းမြစ်များ

Mataio 1:21

Ka fānau mai e ia he tama, ka fakaigoa e koe ki a Iehu, auā ka fakaola e ia ona tagata mai a lātou agahala.”

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Ioane 1:35

I te aho alafaki, na toe tū ai foki ia Ioane i kinā fakatahi ma ona hoko e toka lua,

Ioane 1:36

ma i te ia kitea atuga o Iehu e havali ake, oi lea ai vē, “Kikila, tēia te Punuamāmoe a te Atua!”

Ioane 1:43

I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Ioane 2:1

I tona tolu o aho, na fai ai he fakaipoipoga i Kana i Kalilaia. Nae i kinā te mātua o Iehu,

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 4:42

ma kua lea vē atu ki lātou ki te fafine, “E hē ona ko nā mea na lea mai ai koe te kua talitonu ai ki mātou, kae ona na ki mātou lagona lelei lava nā mea nae tautala ai ia Iehu, ma kua ki mātou mautinoa ai, ko ia lava ko te Fakaola o te lalolagi.”

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Gāluega 8:32

Ko te vāega o te tuhituhiga paia nae faitau e te eunuka, e vēnei: “E vē he māmoe e kave ke tāmate; e vē he punuamāmoe e fakalologo i te taimi e hele ai ona fulufulu; e hēki vaivaia lele.

1 Kolinito 15:3

Na kō tuku atua ki a te koutou te mea na kō maua, ko te mea ia e pito hili te tāua; ko Keliho na oti mo a tātou agahala, e vē oi tūhia i nā Tuhituhiga Paia;

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

1 Timoteo 2:6

na ia ofo atua tona ola, ke fakahaoloto ai ia tagata uma mai te agahala ma te oti. Ko te fakamāoniga tēnā i te taimi tatau, ko te Atua e fofou ke fakaola ia tagata uma.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 14:1

Oi kikila atu ai au, ma kō kitea atu te Punuamāmoe e tū i luga o te Mauga o Hiona; e i ei fakatahi ma ia nā tino e 144,000 kua tūhia i o lātou muāulu tona igoa ma te igoa o tona Tamana.

Fakaaliga 14:10

ka feinu lava ki te uaina a te Atua, te uaina o tona tōkahā e liligi vē e hē talāgia ki loto o te ipu o tona ita. Ko ki lātou uma e faia te mea tēnei, ka fakatīgāina i te afi ma te teiō, i mua o nā agelu paia ma te Punuamāmoe.

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Fakaaliga 19:7

Tātou fiafia la ma olioli; tātou viviki atu ki tona hilihilikehe. Auā kua pa ki te taimi o te fakaipoipoga a te Punuamāmoe, ma kua uma te hāuniuni atu o te teine fakaipoipo mo ia.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”

Fakaaliga 21:14

Ko nā puipui o te kakai na fau ki luga o ni fakavae e hefulu lua, ma e tūhia i luga nā igoa o nā apohitolo e toka hefululua a te Punuamāmoe.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.

Fakaaliga 21:9

Ko tētahi o nā agelu e toka fitu nae ia te ki lātou nā tanoa e fitu e tūtumu i nā mala mulimuli e fitu, kua hau ki a te au ma lea vē mai, “Hau, ka fakahino atu e au ki a te koe te teine fakaipoipo, ka kavea ma āvaga a te Punuamāmoe.”

Fakaaliga 5:6

Oi kitea atu ai e au he Punuamāmoe e tū i te va o te nofoāliki ma nā meaola ma nā toeaina. Ko te Punuamāmoe e fōliga kua tāmate, ma e fitu ona nifohua i tona ulu ma fitu ona mata, ko nā agaga iēnā e fitu a te Atua kua uga atu ki te lalolagi kātoa.

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Fakaaliga 6:1

Oi kō kitea atu ai te Punuamāmoe e tatala e ia te fakamaufakailoga muamua o nā fakamaufakailoga e fitu, ma na kō lagona tētahi o nā meaola e fa e lea vē i he leo lahi e vē ko te gugulu a he tāgulu, “Hau!”

Fakaaliga 6:16

Kua taukalalaga atu ki lātou ki nā mauga ma nā papa, “Pakukū ifo ki o mātou luga ma mumuni ki mātou mai nā mata o tē e nofo i te nofoāliki, ma ke mumuni ai foki ki mātou mai te tōkahā o te Punuamāmoe!

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.

Fakaaliga 7:17

auā ko te Punuamāmoe, tē ei lototonu o te nofoāliki, ka fai ia ma o lātou leoleomāmoe, ma ka ia takitakia ki lātou ki nā vaipuna o te vai o te ola. Ma ka holoi kehe e te Atua nā loimata uma mai o lātou mata.”