Ioane 1:27 - Tokelauan New Testament

²⁷ E mulimuli mai ia ia te au, kae e hē aogā au ke kō tatala ona hēvae.”

Ioane 1:27 ပူးပေါင်းရင်းမြစ်များ

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Maleko 1:7

Ma nae folafola vēnei atu e ia ki tagata, “E mulimuli mai ia te au he tino e hilihili lele atu tona mamalu i lo au. E hē aogā au ke punou ifo ki lalo oi tatala ona hēvae.

Luka 3:16

Oi lea atu ai ia Ioane ki a te ki lātou uma, “E kō papatihoa koutou i te vai, kae e hau tē e hilihili lele atu tona mamalu i lo au, ma e hē aogā au ke kō tatala ona hēvae. Ka ia papatihoa koutou i te Agaga Paia ma te afi.

Ioane 1:15

Na molimau ia Ioane e uiga ki a te ia, ma nae taukalaga vēia, “Ko tēnei te tino na lea atu ai au, i toku lea atuga vē, ‘E hau mulimuli ia ia te au, kae e hili atu tona mamalu i lo au, auā nae i ei ia ka ko hēki fānau mai au.’ ”

Ioane 1:30

Ko ia tēnei na lea atu ai au, ‘E i ei he tino e mulimuli mai ia te au, kae e hili atu ia i lo au, auā nae i ei ia ka ko hēki fānau mai au.’

Ioane 10:41

E tokalahi nā tino na ōmamai ki a te ia, ma nae lea vē ki lātou, “E hēki faia e Ioane ni fakailoga, kae ko nā mea uma lele na lea mai ai e uiga ki te tino tēnei, kua hako lava.”

Gāluega 13:25

Ma kua tau fakauma te gāluega a Ioane, oi lea vē atu ai ki tagata, ‘Ko koutou nei e vēakē ko ai au? E hē ko au te tino e fakatalitali koutou ki ei. Kae fakalogo mai! Ko te tino e fakatalitali koutou ki ei e hau mulimuli kāfai e uma aku gāluega, ma e hē aogā au ke kō tatala kehea nā taka mai ona vae.’

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”