Ioane 1:17 - Tokelauan New Testament

¹⁷ Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Ioane 1:17 ပူးပေါင်းရင်းမြစ်များ

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 5:45

Koutou foki nā vēakē, ko au te mōliagia koutou ki toku Tamana. Ko Mohe, tēia kua tuku kātoatoa ki ei te koutou fakamoemoe, ko ia lava te ka ia mōliagia koutou.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”

Ioane 8:32

ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

Ioane 9:29

E iloa e ki mātou ko te Atua na vāgana ki a Mohe; ka ko te tino tēnā e lea mai ai koe, e hē ki mātou iloa foki pe hau mai fea!”

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 7:38

Ko ia te nae i ei fakatahi ma tagata Ihalaelu i te maopoopoga i te vao; nae i ei fakatahi ma o tātou tupuna, ma te agelu na tautala ki ei i luga o te Mauga ko Hinai; ma na tuku ki ei te fekau a te Atua e ola pea lava, ke fakapa mai ki a te ki tātou.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

Kalatia 3:17

Ko te uiga o taku lea atu, na ohi te feagaiga a te Atua ma Apelaamo, ma na fai tana folafolaga ka tauhi pea lava ia ki ei. Ko te Tūlāfono na fātoā tuku mai ka kua teka ai te fa helau ma te tolu hefulu tauhaga, ma e hē ia mafaia oi tatala te feagaiga ma fakahēaogā te folafolaga a te Atua.

Epelu 9:22

E tuha ai ma te Tūlāfono, toetoe lava ko mea uma lele e fakamamāgia i te toto, ma ko nā agahala e fātoā mafai ke fakamāgalo kāfai te toto e fakamaligi ki fafo.