Ioane 1:14 - Tokelauan New Testament

¹⁴ Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:14 ပူးပေါင်းရင်းမြစ်များ

Mataio 1:16

ko Iakopo te tamana o Iohefa te āvaga a Malia, te mātua o Iehu, tē kua fakaigoa ko te Mehia.

Luka 2:11

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

Luka 2:7

ma na fānau mai ai e ia tana ulumatua, ko he tama. Na āfīfī e ia te pepe i ni meakie, oi fakatakoto ai ki loto o he kumete fāgaimanu, auā kua hē maua ho lātou avanoa i te fale talimālō.

Luka 9:32

Ko Petelu ma ona hoa nae momoe mate; kae i te fealaga, na ki lātou kitea atu te mamalu o Iehu, ma nā tamāloa e toka lua e tutū mai ma ia.

Ioane 1:1

Nae i te kāmataga te Kupu, ma nae i ei fakatahi ma te Atua, ma ko te Kupu ko te Atua.

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 14:9

Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Ioane 17:22

Na tuku atu e au ki a te ki lātou te mamalu na kē tuku maia ki a te au, kae ke tahi ai ki lātou, e vē lava ona tahi ia koe ma au:

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:18

Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu ki lātou ki te Ataliki e tokatahi o te Atua.

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Ioane 8:32

ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

Loma 9:5

na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.

1 Kolinito 15:47

Ko te uluaki Atamu na gaohia i te kelekele, na hau mai te kelekele; ko te lua o Atamu na fanaifo mai te lagi.

2 Kolinito 12:9

Kae na tali mai vē, “Ko toku alofa tūnoa e lava mo koe, auā ko toku mana e kātoatoa te mālohi i nā taimi e vāivai ai koe.” Ko au la e fiafia lahi ke fāfia i oku vāivaiga, kae ke ia te au ai te puipuiga a te mana o Keliho.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Kolohe 1:19

Auā e a te Atua lava te fuafuaga ke i te Ataliki lava ia te natula kātoatoa o ia.

Kolohe 2:3

Ko ia ko te kī e tatala ai nā koloa tāua uma tau ki te poto ma te atamai o te Atua.

Kolohe 2:9

Auā ko nā uiga uma lele o te Atua e ia Keliho, i tona itū fakatetagata,

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 1:5

Auā ko te Atua e hēki lea lele vēnei ki hētahi o ana agelu, “Ko koe ko toku Ataliki i te aho nei ko au kua kavea ma o Tamana.” E hēki lea foki te Atua vēnei e uiga ki hana agelu, “Ko au ka kavea ma ona Tamana ma ka kavea ia ma oku Ataliki.”

Epelu 10:5

Ko te mea ia na lea vēnei atu ai ia Keliho ki te Atua i te taimi kua lata ai ki tona haele mai ki te lalolagi, “Ko koe e hē fofou ki nā tāulaga ma nā meaalofa, kae kua hāunia e koe he tino mo ōku.

Epelu 2:11

E fakamamā e ia ia tagata mai a lātou agahala, ma ko ia fakatahi ma ki lātou uma e fakamamāgia, e fokotahi lava to lātou Tamana. Ko te mea ia e hē mā ai ia Iehu oi takua ki lātou ni tino e o tona kaukāiga.

Epelu 5:5

E vēnā foki lava ia Keliho. E hēki nofo lava ia ma filifili ia ia lava, ke kavea ma Ulu Ohitāulaga. Kae na vāgana te Atua ki a te ia, “Ko koe ko toku Ataliki; i te aho nei, ko au kua kavea ma ō Tamana.”

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

1 Ioane 4:9

Ma kua fakaalia te alofa o te Atua ki a te ki tātou i te kua uga mai e ia o tona Ataliki e fokotahi ki te lalolagi, kae ke maua ai e ki tātou te ola e ala ia te ia.

2 Ioane 1:7

Kua tokalahi ia tagata fakahehē kua olo ki itū uma o te lalolagi, ni tino e hē talitonu ko Iehu Keliho na hau ko he tagata ola. Ko nā tino vēnā e tau fakahehē ma e teteke ki a Keliho.

Fakaaliga 19:13

Ko te kofu tatao o ia e fai, e galo i te toto. Ko tona igoa “Ko te Kupu a te Atua.”

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.