Iakopo 5:9 - Tokelauan New Testament

⁹ Te kau uho, nahe mūimui tētahi ki tētahi, kae ke nahe fakamahinoa ai koutou e te Atua. Kikila, ko te fakamahino kua tū i te faitotoka, kua hāuni ka hau.

Iakopo 5:9 ပူးပေါင်းရင်းမြစ်များ

Mataio 24:33

E vēnā foki lava kāfai e koutou kitea nā mea uma iēnei, ka koutou iloa ai kua tāli pa mai te taimi, kua hāuni ka kāmata.

Maleko 13:29

E vēnā foki lava kāfai e koutou kitea nā mea iēnei e tutupu, ka koutou iloa ai kua tāli pa mai te taimi, kua hāuni ka kāmata.

Maleko 6:19

Ko te mea ia nae ita ai pea lava ia Helotia ki a Ioane ma fofou ke tāmate, kae nae hē mafai ke fai hana mea ki ei ona ko Helota.

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

2 Kolinito 9:7

E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

Kalatia 5:14

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe ki a te koe lava.”

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

Iakopo 4:12

E fokotahi oioti lava te faitūlāfono ma te fakamahino, ko te Atua. Nā ko ia oioti te ia mafaia oi laveakia he tino pe fakahala. Ko ai la koe, ke fakamahino ai e koe hētahi tino?

Iakopo 5:10

Te kau uho, ke manatua e koutou nā pelofeta na tautatala i te igoa o te Aliki. Ke kavea ki lātou ma fakatakitakiga ki a te koutou e uiga ki te onohai i nā puapuagā.

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

1 Petelu 4:5

Kae ka tali atu ki lātou ki te Atua mo a lātou mea uma na fai. Kua hāuni te Atua ke fakamahino ia tagata ola vēnā tagata kua feoti.

1 Petelu 4:9

Talia iētahi tino ki loto o nā fale o koutou e aunoa ma he mūimui.

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.