Iakopo 5:19 - Tokelauan New Testament

¹⁹ Te kau uho, kāfai he tino o koutou e fano kehe mai te meamoni kae toe kaumai e he tino o koutou,

Iakopo 5:19 ပူးပေါင်းရင်းမြစ်များ

Mataio 18:15

“Kāfai tō uho e fai hana mea kino ki a te koe, fano oi fakahino ki ei tona hehē. Kae fai te mea tēnei nā ko koulua lava toka lua. Kāfai e fakalogo atu ki a te koe, kua toe maua e koe tō uho.

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

1 Timoteo 6:21

Auā e i ei nā tino kua lea, ko ki lātou e popoto, ma kua fai tēnā ma mea e olo kehe ai mai to lātou talitonuga. Ke ia te koutou uma te alofa tūnoa o te Atua.

2 Timoteo 2:18

Kua olo kehe ki lāua ma te meamoni ma kua āfāina ai te talitonuga o iētahi, ona e lea vē ko te toetū ko he mea kua uma te fakatino.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.

Iakopo 1:16

Te kau uho pele, ia koutou nahe fakahehēagia.

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.

Iakopo 5:20

ke koutou manatua te mea tēnei: ko ai lava e ia toe kaumaia he tino agahala mai te auala hehē, ka fakahao e ia te agaga o te tino tēnā mai te oti ma ka fai tēnā ma auala e fakamāgalo ai ia agahala e lahi.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.