Iakopo 5:17 - Tokelauan New Testament

¹⁷ Ko Elia ko he tino e vē lava ko ki tātou. Na tatalo fakatauanau ke nahe ua, ma na kātoa te tolu ma te āfa tauhaga e hēki i ei he ua na pakū ki luga o te kelekele.

Iakopo 5:17 ပူးပေါင်းရင်းမြစ်များ

Luka 4:25

“Kae ko te meamoni, nae tokalahi ia fafine kua oti a lātou āvaga i Ihalaelu i nā aho o Elia, i te taimi na hēki i ei ai he ua e to i te tolu ma te āfa tauhaga, ma na oge lahi lele ai te fenua kātoa.

Gāluega 10:26

Ka kua tago atu ia Petelu oi fakatū ki luga kae lea vē atu ki ei, “Tū ki luga! Ko au he tino e vē foki lava ko koe.”

Gāluega 14:15

“He ā te fai ai e koutou he mea vēnei? Ko ki māua ni tagata ola e vē foki lava ko koutou! Ko ki māua e i kinei ke folafola atu te Tala Lelei ki a te koutou, kae ke mafai koutou ke olo kehe mai nā mea iēnā e hēai he aogā, kae liliu ki te Atua na faia te lagi, te lalolagi, te tai, ma nā mea uma lele i ei, ma e ola pea lava.

Loma 11:2

E hēki tetekea e te Atua ona tagata na ia filifilia mai te kāmataga. E iloa e koutou te mea e tūhia i te tuhituhiga paia, ki te fakatagi a Elia ki te Atua e uiga ki a Ihalaelu:

Fakaaliga 11:6

Kua ia te ki lāua te pule ke tapuni ai te lagi kae ke nahe ua lele i te taimi e tālaki ai e ki lāua te fekau a te Atua. Kua ia te ki lāua foki te pule ke fakaliu ai nā vai ki te toto, ma ke fakatupu ai i te lalolagi ho he itūkāigā mala, i ho he taimi lava e fofou ki lāua ki ei.