Iakopo 5:14 - Tokelauan New Testament

¹⁴ E i ei ni tino o koutou e tauale? E tatau koutou ke lea ki nā toeaina o te Ekalehia ke ōmamai ke tatalo mo koutou, ma uku koutou i te lolo, i te igoa o te Aliki.

Iakopo 5:14 ပူးပေါင်းရင်းမြစ်များ

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Maleko 6:13

Na ki lātou tuli kehea te tokalahi o nā tēmoni, ma ukua i te lolo ōlive nā tauale e tokalahi ma na mālōlō ai ki lātou mai o lātou tauale.

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

Gāluega 15:4

Na tali fiafia mai ki lātou e te Ekalehia, te kau apohitolo ma toeaina, i te taunuku atuga o ki lātou ki Ieluhalema, ma na ki lātou fakailoa ki ei nā mea uma na fai e te Atua e ala ia te ki lātou.

Gāluega 28:8

Ko te tamana o Popilio nae takoto i te moega e maua i te fiva ma te manava tatā. Oi fano ai ia Paulo ki te potu e i ei ai, kua tatalo ma fakaeke atu ona lima ki ona luga ma fakamālōlō ai mai ona tauale.

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au: