Iakopo 5:13 - Tokelauan New Testament

¹³ E i ei ni tino o koutou e maua i ni mafatiaga? E tatau koutou ke tatalo ki te Atua. E i ei ni tino o koutou e fiafia? E tatau koutou ke pepehe i nā viviki ki te Atua.

Iakopo 5:13 ပူးပေါင်းရင်းမြစ်များ

Mataio 26:30

Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Luka 23:42

Oi lea vē atu ai ki a Iehu, “Iehu, manatua mai ko au, kāfai koe e hau, ko he Tupu!”

1 Kolinito 14:15

He ā la te tatau ke kō faia? Ka tatalo au i toku agaga ma tatalo foki au i toku māfaufau; ka pehe au i toku agaga, ma ka pehe foki au i toku māfaufau.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

Efeho 5:19

Tautala tētahi ki tētahi i nā kupu o te Halamo, i nā pehe lotu ma i nā pehe fakateagaga; pepehe atu i nā vīkiga ki te Aliki ma outou loto kātoatoa.

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.

Iakopo 5:10

Te kau uho, ke manatua e koutou nā pelofeta na tautatala i te igoa o te Aliki. Ke kavea ki lātou ma fakatakitakiga ki a te koutou e uiga ki te onohai i nā puapuagā.

Fakaaliga 14:3

Ko nā tino e toka 144,000 e tutū i mua o te nofoāliki ma nā meaola e fa ma nā toeaina, ma pepehe i he pehe fou e nā ko ki lātou lava oioti te iloa. Mai tagata uma o te lalolagi kātoa, nā ko ki lātou lava oioti nā tino na fakahao e te Atua.

Fakaaliga 7:10

Kua tau kālalaga leo lahi vē ki lātou, “Ko te fakaolataga e mai te Atua tē e nofo i te nofoāliki, ma te Punuamāmoe!”