Iakopo 5:10 - Tokelauan New Testament

¹⁰ Te kau uho, ke manatua e koutou nā pelofeta na tautatala i te igoa o te Aliki. Ke kavea ki lātou ma fakatakitakiga ki a te koutou e uiga ki te onohai i nā puapuagā.

Iakopo 5:10 ပူးပေါင်းရင်းမြစ်များ

Luka 13:34

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Luka 6:23

Koutou ke olioli i te aho tēnā ma tūtaoho ki luga i te fiafia, auā e i te lagi te koutou taui lahi. Nae fai foki lava e o lātou tupuna nā mea iēnei ki nā pelofeta.

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Gāluega 7:52

Na kua i ei nei he pelofeta e hēki fakahāuā ki ei outou tupuna? Na ki lātou tāmatea nā kavefekau a te Atua iē na ki lātou folafola maia i nā aho kua loa, te haele mai o tana Kaukauna āmiotonu. Kae nei, kua fakalatagia ma tāmate e koutou.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

Iakopo 5:13

E i ei ni tino o koutou e maua i ni mafatiaga? E tatau koutou ke tatalo ki te Atua. E i ei ni tino o koutou e fiafia? E tatau koutou ke pepehe i nā viviki ki te Atua.

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

Iakopo 5:9

Te kau uho, nahe mūimui tētahi ki tētahi, kae ke nahe fakamahinoa ai koutou e te Atua. Kikila, ko te fakamahino kua tū i te faitotoka, kua hāuni ka hau.