Iakopo 3:6 - Tokelauan New Testament

⁶ Ma ko te laulaufaiva e vē ko he afi. Ko he lalolagi o mea hehē, ma ko he vāega o nā itū tino o ki tātou, e ia fakakinoa o tātou tagata kātoa. E fakamū e ia o tātou ōlaga kātoa i te afi mai kēna.

Iakopo 3:6 ပူးပေါင်းရင်းမြစ်များ

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Maleko 7:15

E hēai he mea e fano mai fafo ki loto o he tino, e hē mamā ai i nā tu tau tāpuakiga. Kae ko te mea e hau ki fafo mai he tino te hē mamā ai.”

Luka 16:24

Oi kalaga atu ai vē, ‘Toku tamana e, Apelaamo! Alofa mai ko. Uga mai ko ia Lahalo ke lolō tona muamuālima ki ni vai, ma fakamālū ake ai toku laulaufaiva, auā ko au nei kua tīgāina i te mumū o te afi tēnei!’

Gāluega 20:30

E hau te taimi e fai ai e ni tino o koutou ni fakamatalaga pepelo ke takitaki kehe ai nā tino Kelihiano ma mulimuli ake ai ki a te ki lātou.

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Gāluega 6:13

Oi kaumai ai e ki lātou ni taulelea ke molimau pepelo e uiga ki a Hetefano. Kua lea vē atu nā taulelea, “Ko te tagata tēnei e teteke pea lava i ana kupu e tautala ai, ki te Mālumalu paia vēnā ma nā Tūlāfono a Mohe.

Tito 1:11

Ko nā tino iēnei e tatau ke tāofi, auā ko a lātou mea e fai kae ke maua ai ni a lātou tupe, ma e fakalotovāivai lele ki nā kau kāiga kātoa ona e fai e ki lātou nā akoakoga e hē tatau ke ki lātou faia.

Iakopo 2:7

Ko ki lātou lava iēnei te fāifāi ki te igoa lelei o te Aliki tēia kua uma te fakamanuiagia ai o koutou.

Iakopo 3:7

Ko itūkāigā manu fekai ma manulele uma, manu fetolofi i te kelekele ma ika o te tai, e mafai ke pūlea ma kua pūlea e tagata,

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

3 Ioane 1:10

Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 18:23

Ka hē toe kitea lele i loto o koe te mumū o he mōlī; ka hē toe lagona nā leo o teine ma tama fakaipoipo i loto o koe. Ko nā tino fai pihinihi o koe te nae pito hili oi takutakua i te lalolagi, ma ko au mea fakataulaitu pepelo na fakahehē ai e koe ia tagata uma o te lalolagi.”

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.