Iakopo 3:4 - Tokelauan New Testament

⁴ Pe māfaufau foki ki nā vakafailā: e ui i te lalahi ma e fakatele i nā matagi mālolohi, kae e uliuli e he tamākīkī foeuli, ma e fano ki ho he mea e fofou te kapiteni ke fano ki ei.

Iakopo 3:4 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 8:24

Nā lava e teki kua to te afā mālohi i te vaitūloto, kua hopokia ai te vaka ma kua tāli goto. I te taimi tēnā ko Iehu e moe.

Gāluega 27:11

Kae ko te takitaki o te vaegākau kua talitonu lava ki te kupu a te alikivaka ma te tino e o ia te vaka, kae kua hē fakalogo ki te mea e lea ai ia Paulo.

Iakopo 3:3

Kāfai e ki tātou tukua he fāgutu ki te gutu o he holofanua ke uhitaki mai ai ki a te ki tātou, e takitaki e ki tātou tona tino kātoa ki ho he mea e fofou ki tātou ki ei.

Iakopo 3:5

E vēnā foki la te laulaufaiva: e ui e taigole, kae e tautala mimita ki nā mea lalahi. Māfaufau ki te lahi o he togāvao kae e mafai lava ke fakamū e he tamā maloiafi!