Iakopo 3:15 - Tokelauan New Testament

¹⁵ Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

Iakopo 3:15 ပူးပေါင်းရင်းမြစ်များ

Luka 16:8

“Ona ko te mea tēnei, na fakamālō ai te matai ki tana kaukauna pule, ona ko tona potokino; auā e hili atu te popoto faitogafiti o nā tino o nā aho nei i te kikilaga o a lātou mea, i lo nā tino o te mālamalama.”

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Gāluega 13:10

ma lea vē atu ki ei, “Ko koe ko te ataliki o te Tiāpolo! Ko koe ko te fili o nā mea uma e lelei. Ko koe kua tumu i nā itūkāigā togafiti kino uma, ma e taumafai pea lava koe ke fakaliliu te kupu moni a te Aliki ke fai ma kupu pepelo!

Loma 1:22

E lea vē, ko ki lātou e popoto, kae ni tino vālelea.

1 Kolinito 1:27

Na filifili lava e te Atua te mea e talitonu te lalolagi e valea, kae ke takuvalea ai nā tino popoto, ma na filifili e ia te mea e talitonu te lalolagi e vāivai, kae ke takuvalea ai nā tino e i ni tūlaga mālolohi.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Kolinito 3:19

Auā ko te poto o te lalolagi ko te valea tēnā i te Atua. E vē oi lea mai te tuhituhiga paia, “E kitea e te Atua te vālelea o te kau popoto i to lātou fai togafiti”;

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

2 Tehalonia 2:9

Ka hau te Tino Kino ma te mālohi o Hātani ma fakatino e ia ia itūkāigā mālohiaga, fakailoga ma nā mea ofoofogia pepelo kehekehe,

1 Timoteo 4:1

E manino lele te lea mai a te Agaga, e i ei nā tino ka olo kehe mai to lātou talitonuga faka-Kelihiano, i ni taimi mulimuli; ka uhitaki ki lātou ki nā agaga talapepelo, ma mulimuli ki akoakoga a nā tēmoni.

Iakopo 1:17

Ko nā meaalofa uma lele e lelei ma kātoatoa, e mai te lagi. E fanaifo ki lalo mai te Atua, tē na faia ia mea pupula uma i te lagi, ma e tūmau pea lava ma hēai hona hūiga, pe he ataata kāfai e liliu.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Iuta 1:19

Ko iēnei nā tino e ki lātou fakatupuagia nā fekehekeheakiga; ni tino e o te lalolagi e hē ia te ki lātou te Agaga o te Atua.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 2:24

“Kae ko te tokalahi o koutou i Tuateilo, e hēki mulimuli ki te akoakoga kino tēnei; ko hēki koutou iloa te mea e takua e iētahi tino ‘ko nā mea loloto hē mailoa a Hātani.’ E lea atu au ki a te koutou, ka hē kō fakauta atua hētahi kavega ki outou luga,

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)