Iakopo 2:9 - Tokelauan New Testament

⁹ Kae kāfai koutou e fakailoga tino fua ki te kikila atu i fafo, ko koutou la kua hala i te agahala, ma e fakahalagia koutou e tuha ai ma nā kupu kua tūhia ai te Tūlāfono a te Atua.

Iakopo 2:9 ပူးပေါင်းရင်းမြစ်များ

Ioane 16:8

Ma kāfai te koutou Fehoahoani e hau, ka ia fakamāonia ki tagata o te lalolagi, te hehē o to lātou tāofi e uiga ki te agahala, ma e uiga ki te mea e hako, ma e uiga ki te fakamahinoga a te Atua.

Ioane 8:46

E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?

Ioane 8:9

I te fakalogoga o ki lātou ki te mea tēnei, oi gāholoholo ai tau tokatahi kua olo kehe, kāmata atu i nā tino mātutua. Kua totoe nei nā ko Iehu fakatahi ai ma te fafine, koi tū lava i te mea na fakatū ai.

Gāluega 10:34

Ma na kāmata ai oi tautala vēnei atu ia Petelu: “Kua mautinoa e au i te taimi nei ko te Atua e hē fakapito ki he tino.

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

1 Kolinito 14:24

Kae kāfai e folafola e ki lātou te fekau a te Atua kae ōmamai ni tino kehe ki loto, ka mautinoa lelei e ki lātou a lātou agahala, e ala i nā mea kua fakalogo ki ei. Ka fakamahino ki lātou i nā mea uma lele e fakalogo ki lātou ki ei,

Kalatia 2:19

Kae e tuha ai ma te Tūlāfono, ko au ko he tino kua oti — na tāmate lava e te Tūlāfono — kae ke mafai ai au ke ola mo te Atua. Ko au na tāmate fakatahi ma Keliho i luga o te hātaulo,

1 Ioane 3:4

Ko ai lava he tino e agahala, kua hala ia ona kua ia holia te tūlāfono a te Atua, auā ko te agahala ko he holi tūlāfono tēnā.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”