Auā kua ki tātou iloa, ko te fakatuatua oioti lava te fakalelei ai te va o he tino ma te Atua, kae e hē ko te mulimuli kinā mea e lea mai ai te Tūlāfono.
Ma kua taunuku ai te tuhituhiga paia e lea mai, “Ko Apelaamo nae fakatuatua ki te Atua, ma ko tona fakatuatua na fakaleleia ai e te Atua tona va ma ia.” Ma na takua ai ia he uō e a te Atua.
Na vēnā foki ia Lahapa te fafine talitāne. Na fakalelei tona va ma te Atua i ana gāluega nae fai, i te kua taliagia e ia o nā hipai Ihalaelu ki loto o tona fale, ma fehoahoani ki te fakahoholaga kui i hētahi auala.