Iakopo 2:20 - Tokelauan New Testament

²⁰ Kai koe te valea! E fofou koe ke fakahino atu ki a te koe ko te fakatuatua e aunoa ma ni gāluega, e hēai he aogā?

Iakopo 2:20 ပူးပေါင်းရင်းမြစ်များ

Loma 1:21

E ki lātou iloa te Atua, kae e hē ki lātou mafaia lele oi lea vē ake, “Ko koe ko te Atua moni.” E hē ki lātou lagonagia lele foki he loto fakafetai ki gāluega a te Atua. Kae ko o lātou manatunatuga e hēai lele he uiga, ma o lātou māfaufau papaku, kua tumu i te pōgihā.

Loma 3:28

Auā kua ki tātou iloa, ko te fakatuatua oioti lava te fakalelei ai te va o he tino ma te Atua, kae e hē ko te mulimuli kinā mea e lea mai ai te Tūlāfono.

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Timoteo 1:6

Kua i ei nā tino kua liliu kehe mai nā mea iēnei, ma kua nunumi o lātou māfaufau i nā talatalanoaga ki nā mea e hēai he uiga.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

Iakopo 2:17

E vēnā foki la te fakatuatua; kāfai e nā ko te fakatuatua oioti kae hēai ni gāluega, e hēai he aogā.

Iakopo 2:26

Ko te tino e hē mānava kua mate, ma e vēnā foki te fakatuatua e aunoa ma ni gāluega, kua mate.