Iakopo 2:19 - Tokelauan New Testament

¹⁹ E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

Iakopo 2:19 ပူးပေါင်းရင်းမြစ်များ

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Maleko 12:29

Kua tali mai ia Iehu, “Ko te fakatonuga e fakamuamua ma pito hili te tāua, ko tēnei: ‘Ihalaelu e! Fakalogo mai. Ko te Aliki to tātou Atua ko ia oioti lava te Aliki.

Maleko 5:7

kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”

Maleko 7:9

Kua toe vāgana atu ia Iehu, “Kua teteke e koutou te tūlāfono a te Atua kae ke mulimuli ai pea koutou ki autou akoakoga.

Luka 4:34

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe: ko koe ko te kavefekau paia a te Atua!”

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Gāluega 16:17

Nae taumulimuli ki a Paulo ma ki mātou ma taufōlua vē, “Ko nā tino iēnei ni kaukauna e a te Atua Hilihilikehe! E fakailoa atu e ki lātou te auala e mafai ai koutou ke fakaolagia.”

Gāluega 19:15

Ka kua tali vē mai te agaga kino ki a te ki lātou, “E iloa e au ia Iehu, ma e iloa e au ia Paulo; kae ko koutou — ko ai koutou?”

Gāluega 24:25

Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Loma 3:30

E fokotahi oioti lava te Atua, ma ka ia fakaleleia te va o tagata Iutaia ma ia, e ala i to lātou fakatuatua. Ka vēnā foki oi ia fakaleleia te va o tagata nukukehe ma ia, e ala i to lātou fakatuatua.

1 Kolinito 8:4

Ko te mea ia, e vē ki te kakai ki nā meakai kua ofo mo nā tupua; e ki tātou iloa ko te tupua e hēai hona ola; e ki tātou iloa e fokotahi oioti lava te Atua.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

Kalatia 3:20

Ma e hē manakomia he hokotaga pe kāfai e fokotahi oioti te tino; ma e fokotahi oioti lava te Atua.

1 Timoteo 2:5

Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

Iakopo 2:8

Ko he mea e tatau lava ke koutou faia, te uhitaki ki te tūlāfono o te Mālō o te Atua e vē oi tūhia i te tuhituhiga paia, “Alofa ki tō tuākoi e vē oi alofa koe ki a te koe lava.”

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.