Iakopo 2:18 - Tokelauan New Testament

¹⁸ Kae ka lea vē he tino, “E mafai ke fakatuatua tētahi tino kae fai ni gāluega e tētahi.” Ko taku tali ki ei, “Fakahino mai pe vēhea ona i ei he fakatuatua i he tino kae hē faia ni ana gāluega? Ka fakahino atu e au toku fakatuatua e ala ai aku gāluega.”

Iakopo 2:18 ပူးပေါင်းရင်းမြစ်များ

Loma 14:23

Kae kāfai e i ei ho lātou loto māhalohalo ki a lātou mea e kai, ka taku halagia ki lātou e te Atua kāfai e kakai ki ei, auā ko a lātou mea e fai e hē fakavaegia i luga o te fakatuatua. Ma ko ho he mea e hē fakavaea i te fakatuatua ko he agahala tēnā.

Loma 3:28

Auā kua ki tātou iloa, ko te fakatuatua oioti lava te fakalelei ai te va o he tino ma te Atua, kae e hē ko te mulimuli kinā mea e lea mai ai te Tūlāfono.

Loma 4:6

Ko te uiga ia o te kupu a Tavita, i te leaga fakatatau ki te fiafia o te tino kua fakalelei e te Atua tona va ma ia, e tuha lava pe hēki i ei ni ana gāluega na fai.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 9:19

Kae e ono fehili vē mai hētahi o koutou ki a te au, “Kāfai e vēnā ia faiga a te Atua, he ā la te koi fakamāhinohino ai e ia ki tātou? Ko ai he tino e ia mafaia oi teteke ki te finagalo o te Atua?”

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Epelu 11:31

Ko te fakatuatua te na hēki oti ai ia Lahapa te fafine talitāne ma nā tino nae hē uhitaki ki te Atua, auā na fakafeiloaki ma te fiafia e ia nā hipai Ihalaelu.

Epelu 11:33

Ona ko te fakatuatua o nā tino vēnei, na fakatōkilalo ai e ki lātou nā mālō. Nae ki lātou faia nā mea e tonu ma ki lātou maua ai nā mea na folafola e te Atua. Na ki lātou tapunia ia gutu o leona,

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Iakopo 2:14

Te kau uho, he ā nei te aogā pe kāfai he tino o koutou e lea ko ia e fakatuatua, kae e hēai ni fakatinoga ke fakamāonia ai? E mafai nei e te fakatuatua tēnā ke fakaola e ia te tino tēnei?

Iakopo 3:13

Ko ai te tino o koutou e poto ma mālamalama? E tatau ke ia fakamāoniagia e ala i tona ōlaga lelei, ma ana gāluega lelei e fai i te loto maulalo ma te poto.