Iakopo 2:16 - Tokelauan New Testament

¹⁶ ma e lea vē atu he tino o koutou ki ei, “Ke fakamanuia te Atua ki a te koe. Fakamāfanafana lelei ma ke lava tau mea e kai,” kae hē fōkia ki ei nā mea e manakomia e ia ke ola ai, he ā nei te aogā?

Iakopo 2:16 ပူးပေါင်းရင်းမြစ်များ

Mataio 15:32

Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”

Mataio 25:35

Auā, na fia kaia au, oi fafaga ai au e koutou; na fia inua au, oi fakainu ai au e koutou; na fai au ma tagata kehe, oi talia ai au e koutou ki loto o nā fale o koutou,

Mataio 25:36

na hē lavalavā au, oi fakakofu ai au e koutou; na tauale au, oi āhi atu ai au e koutou; na falepuipui au, oi oatu ai koutou oi kikila au.’

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

2 Kolinito 8:8

Ko koutou e hē kō fakatonua. Kae e fia kō iloa pe moni te koutou alofa, kāfai e fakatuhatuha ki te naunau lahi o iētahi tino ke fehoahoani.