Iakopo 2:13 - Tokelauan New Testament

¹³ Fai te mea tēnei auā i te aho fakamahino, e hēai he alofa fakahao e fakaalia mo he tino nae hē alofa fakahao ki iētahi tino. Kae e pa foki lava ki te faiga o tana fakamahinoga, ko te Atua e alofa fakahao.

Iakopo 2:13 ပူးပေါင်းရင်းမြစ်များ

Mataio 5:7

Amutia nā tino e alolofa atu ki iētahi tino; auā ka alofagia ki lātou e te Atua!

Mataio 6:15

Kae kāfai e hē fakamāgaloa e koutou ia hehē o iētahi tino ki a te koutou, ka vēnā foki oi hē fakamāgaloa koutou e te koutou Tamana, i autou mea hehē kua fai.

Luka 16:25

“Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Luka 6:37

“Nahe koutou fakamahino atu ki iētahi tino, oi hē fakamahinoa ai foki koutou e te Atua; nahe koutou fakahalagia iētahi tino, oi hē fakahalagia ai foki koutou e te Atua; fakamāgalo iētahi tino, oi fakamāgalo ai foki koutou e te Atua.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Iakopo 5:4

Kikila, kua hē totōgia e koutou nā tino faigāluega i nā fatoaga o koutou. Fakalogo atu ki a lātou faitioga! Ko te faitatagi a nā tino na ki lātou fakaputuagia na fua o autou fatoaga, kua lagona e te Atua, te Aliki Hilihilikehe.