Iakopo 1:27 - Tokelauan New Testament

²⁷ Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

Iakopo 1:27 ပူးပေါင်းရင်းမြစ်များ

Mataio 12:32

Ho he tino e fai hana kupu e teteke ai ki te Ataliki o te Tagata e mafai ke fakamāgalo; kae ko ai lava e fai hana kupu e teteke ai ki te Agaga Paia, ka hē fakamāgaloa lele ia e te Atua — i te ōlaga nei pe ko te ōlaga ka hau.

Mataio 5:8

Amutia nā tino e loto mamā; auā ka kitea e ki lātou te Atua!

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 2:13

Auā e hē ko nā tino e lagona i o lātou taliga te Tūlāfono te fakaleleia e te Atua to lātou va ma ia, kae ko nā tino e uhitaki ki nā mea e fakatonu mai e te Tūlāfono.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 3:11

Nei, e manino e hēai he tino e mafai ke fakaleleia tona va ma te Atua e ala i tona uhitaki ki te Tūlāfono, auā e lea mai te tuhituhiga paia, “Ko te tino e fakaleleia tona va ma te Atua e ala i te fakatuatua, ko ia tēnā te ka mauagia te ola moni.”

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 5:4

Kae kāfai he fafine kua oti tana tāne kae e i ei hana fānau pe ni ona mokupuna, e tatau ke fakatino muamua e ki lātou o lātou tiute faka-Kelihiano ki o lātou lava kāiga. I te faiga tēnei, ka toe totogi ai e ki lātou o lātou mātua ma o lātou tupuna, auā ko te mea ia e fofou ki ei te Atua.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Iakopo 3:9

E fakaaogā e ki tātou ke fakafetai ai ki to tātou Aliki ma to tātou Tamana, ma fakaaogā foki e ki tātou ke fetū ai iētahi tino kua gaohia i te fakatuha o te Atua.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

2 Petelu 2:20

Kāfai nā tino iēnei kua hao mai nā uiga kino o te lalolagi ona kua ki lātou iloa to tātou Aliki Fakaola ko Iehu Keliho, kae toe popoki ma fakatōkilalogia e nā mea iēnei, e hili atu la te kino o te tūlaga e i ei ki lātou i te fakaikuga, nai lo te mea nae i ei ai i te kāmataga.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.