Iakopo 1:26 - Tokelauan New Testament

²⁶ Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

Iakopo 1:26 ပူးပေါင်းရင်းမြစ်များ

Mataio 15:9

E hē aogā ke tāpuaki mai ki lātou ki a te au, auā e akoako e ki lātou ia tūlāfono a tagata e vēia ni Tūlāfono e āku!’ ”

Maleko 7:7

E hēai he aogā e tāpuaki mai ai ki lātou ki a te au, auā e ki lātou akoakoa ia tūlāfono a tagata, e vēia ni tūlāfono e a āku!’

Luka 8:18

“Kikila fakalelei la pe lagona vēhea e koutou te kupu; auā ko nā tino kua i ei ni mea ka toe fōki ki ei iētahi mea, kae ko nā tino e hēai ni mea ka kave kehe mai ia te ki lātou ke pa lava ki he tamāmea e manatu ki lātou e ia te ki lātou.”

1 Kolinito 15:15

Kae hili atu ai la, ka kavea ki mātou ma tagata faitala pepelo e uiga ki te Atua, auā ki mātou na lea na ia fakatūa ia Keliho mai te oti — ma kāfai e hako ko nā tino oti e hē toe fakatutūa mai te oti, ko tona uiga e hēki fakatūa e ia ia Keliho mai te oti.

1 Kolinito 15:2

Ko tēnā te Tala Lelei, te fekau kua folafola atu e au ki a te koutou. Ko koutou e fakaola e te Tala Lelei pe kāfai koutou e pipiki mau ki ei — vaganā ai la e hēai he uiga o te koutou talitonu.

1 Kolinito 3:18

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

Kalatia 2:6

Ko iētahi o ki lātou nae lea ko ki lātou ni takitaki — ko au e lea vēnei atu auā e hē tāua ia te au pe ko ai ki lātou iēnei; ko te Atua e hē fakamahino i te kikila atu i fafo — ko ki lātou iēnei e lea atu au, e hēki fakaopoopoa lele he lātou mea fou e fokotahi ki te Tala Lelei e kō tālakia.

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Kalatia 3:4

Ko nā mea uma nei na pa koutou ki ei, e hēai lele he aogā? E hēai moni nei lava he uiga?

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 5:4

E hē tatau foki ke fakaaogā e koutou ni kupu kino, pe ni tala valea, pe ni kupu palapalā. Kae e tatau koutou ke fakafetai ki te Atua.

Kolohe 4:6

Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

Iakopo 1:22

E tatau ke fakatino e koutou te kupu a te Atua, kae hē nā ko te fakalogo oioti ki ei, auā ko te mea ia te ka fakahehē ai koutou.

Iakopo 2:20

Kai koe te valea! E fofou koe ke fakahino atu ki a te koe ko te fakatuatua e aunoa ma ni gāluega, e hēai he aogā?

1 Petelu 3:10

E vē oi tūhia i te tuhituhiga paia, “Ko ai lava e fia ola i he ōlaga fiafia ma fia kikila ki nā aho o te tamaokāiga, e tatau ke nahe tautala i ni mea kino ma ia faia ni tala pepelo.